بارہ بنکی (ابوشحمہ انصاری)

 عید میلاد النبی کی مناسبت سے قصبہ بلہرہ میں گزشتہ شب کل ہند نعتیہ مشاعرے کا انعقاد استاد شاعر جمال احمد بلہروی کی صدارت اور نمائندہ چیئر پرسن ایاز خان کی سرپرستی میں ہوا۔ جس کی نظامت کے فرائض مولانا قاسم عثمانی نے انجام دیئے۔

مشاعرے میں مہمان خصوصی کے طور پر سابق وزیر و موجودہ ایم ایل اے بہیڑی (بریلی) حاجی عطاء الرحمن نے شرکت کی جن کا ایاز خان نے مومنٹو اور گلپوشی کر کے خیر مقدم کیا۔ انہوں نے مشاعرے کے انعقاد پر اراکین کمیٹی کو مبارکباد پیش کرتے ہوۓ کہا کہ ہم سب متحد ہو کر ہی کسی بھی لڑائی کولڑ سکتے ہیں۔موجودہ حالات ہمارے باہمی اختلاف کا نتیجہ ہے لہذا ہم سے ایسے ہی شخص کو اپنا نمائندہ منتخب کریں جو قوم پرست اور صحیح معنوں میں چلے ہماری لڑائی لڑ سکتا ہو۔

ایاز خان نے بھی عوام سے اسی طرح شانہ بشانہ کھڑے رہنے کی اپیل کی ۔ حافظ اسرائیل کی تلاوت سے مشاعرے کاآغاز ہوا۔مشاعرے کے پسندیدہ اشعار درج ذیل ہیں۔

صحابہؓ کی طرح عشق محمدﷺ دل میں پیداکر

تجھے بھی خشک ٹہنی کو اگر تلوار کرناہے

کلیم طارق

یہ کون ہے جوسر لا مکاں سے آئی صدا

چلے بھی آؤ کہ تم سے کوئی حجاب نہیں

 سلیم تابش لکھنوی

یہ سورج چاند تارے بولتے ہیں

یہ قدرت کے نظارے بولتے ہیں

نبی ﷺ آٸے گا اب ہرگز کوئی

کلام حق کے پارے بولتےہیں

 رضوان جمالی

راہِ خدا میں مال لٹا کر غنی ہوئے

عثماں تو آبروئےخلافت کا نام ہے

جمال احمد بلبر وی

چوم کر رکھ لیتا ہے دیوانہ ہو کر باادب

آپﷺ کا نام مبارک کاٹ اخبار سے

کاوش ردولوی

ان کے علاوہ حسان ساحر ، حیرت پیانوی، عمرعبداللہ قاسمی،وسیم رامپوری، علی بارہ بنکوی،شرافت بسوانی،قاری پرویز یزدانی،ز بیرادر یسی ،شکیل پھول پوری، کاوش ردولوی صغیر بھارتی،عاصم کا کوروی نے بھی اپنا کلام پیش کیا۔

اس موقع پر مولانا فرمان مظاہری، نسیم گڈو، اصغرعلی قریشی نصیر عالم علی احمد ، توصیف خان، شہزادے عالم، احمد خان وغیرہ موجودرہے۔ آخر میں کنویر مشاعرہ رضوان جمالی نے سبھی کا شکر یہ ادا کیا۔