ذاکر نگر علی گڑھ میں شہدائے کربلا کی یاد میں انجمنِ عاشقانِ حسین کی جانب سے سبیلِ امام حسینؑ کا اہتمام

شہیدِ کربلا امام حسینؑ اور ان کے رفقاء کی یاد میں ذاکر نگر سول لائن علی گڑھ میں انجمنِ عاشقانِ حسینؑ کی جانب سے ایک سبیلِ امام حسینؑ کا اہتمام کیا گیا جس کے ذریعے سے راہگیروں، امام حسینؑ کے عزاداروں اور چاہنے والوں کو پانی اور شربت پلایا گیا۔

اس موقع پر انجمن کے ممبر محمد محسن نے کہا کہ یہ سبیل شہدائے کربلا کی یاد میں منعقد کی گئی ہے تاریخ گواہ ہے کہ امام حسینؑ کو کربلا کے میدان میں پیاسا شہید کیا گیا۔ہم اپنے اس عمل سے یہ بتانا چاہتے ہیں کہ ہم حسینی ہیں۔محمد عادل فراز نے کہا کہ لوگوں کو پانی پلانا بہت ثواب ہے امام حسینؑ اور ان کے چھ مہینے کے بچے کو پیاسا شہید کر دیا گیا ہم اس سبیل کے ذریعے سے بتانا چاہتے ہیں کہ ہم حضرت علی اصغرؑ کی تشنگی کبھی فراموش نہیں کر سکتے۔

محمد شاہ رخ نے کہا کہ ہم امام حسینؑ کے چاہنے والوں کا فرض ہے کہ کسی بھی طرح کسی بھی ذریعے سے امام حسینؑ کو خراجِ عقیدت پیش کریں یہ سبیلِ امام حسینؑ ہماری جانب سے نواسۂ رسول سیدنا امام حسینؑ کے لئے خراجِ عقیدت ہے۔

محمد فرحان نے کہا کہ ہمیں آنے والی نسلوں تک امام حسینؑ کا پیغام پہنچانا ہوگا جس کا ایک آسان طریقہ سبیل لگاکر لوگوں کو پانی پلانا ہے یہ عمل امام حسینؑ کی سنت بھی ہے اور ان کی محبت کا ثبوت بھی ہے۔اس موقع پر محمد حسیب خان ،محمد عدنان خان، حسنین خاں اور محمد عمران نے بھی اپنی خدمات پیش کرتے ہوئے امام حسینؑ کو یاد کیا۔