ہندوستان کی آزادی کے 75 ویں سال میں جب ملک عزت مآب وزیر اعظم جناب نریندر مودی جی کی بصیرت افروز قیادت میں ’آزادی کا امرت مہوتسو‘ منا رہا ہے، دور درشن بھی ہندوستان کے پبلک سروس براڈکاسٹر کے طور پر اپنے مینڈیٹ کو پورا کرتے ہوئے متعدد نئے اعلیٰ معیار کے سیریل کے آغاز کے ساتھ ”نئے بھارت کا نیا دور درشن“ کے تھیم پر مبنی ایک بڑی تبدیلی سے گزر رہا ہے۔
دوردرشن ”سوراج- بھارت کے سوتنترتا سنگرام کی سمگرا گاتھا“ کے عنوان سے ایک میگا تاریخی شو نشر کرنے والا ہے۔ شو کی تعارف کے طور پر، مرکزی وزیر اطلاعات و نشریات اور نوجوانوں کے امور و کھیل، جناب انوراگ سنگھ ٹھاکر کے ذریعہ آج آکاشوانی بھون، نئی دہلی میں منعقدہ ایک پروگرام میں اس کا پرومو لانچ کیا گیا۔
سوراج کو 14 اگست 2022 کو ڈی ڈی نیشنل پر ہندی میں اور اس کے بعد دور درشن کے علاقائی نیٹ ورک پر ٹیلی کاسٹ کے لیے کئی علاقائی زبانوں میں لانچ کیا جانا ہے۔ اس کا آڈیو ورژن آل انڈیا ریڈیو نیٹ ورک پر بھی نشر کیا جائے گا۔
پرومو لانچ کے دوران اظہار خیال کرتے ہوئے، اطلاعات و نشریات اور نوجوانوں کے امور و کھیل کے مرکزی وزیر، جناب انوراگ سنگھ ٹھاکر نے کہا کہ ”پرومو نہ صرف اس کی ایک جھلک ہے جس کا تصور آزادی کی جدوجہد کے دوران کیا گیا تھا بلکہ یہ اس بات کی بھی ایک جھلک ہے کہ نئے انڈیا کا نیا دور درشن کیسا ہوگا۔ انھوں نے کہا کہ چترہار سے لے کر سماچار تک ڈی ڈی کے پروگراموں میں معیار ہوتا تھا۔ وزیر نے مزید کہا کہ ہم اس بات کو یقینی بنائیں گے کہ آنے والے سالوں میں اس میں مزید اضافہ کیا جائے۔ انھوں نے کووڈ-19 عالمی وبا کے باوجود اپنا کام جاری رکھنے کے لیے سوراج کی تحقیق اور مشاورتی ٹیم کی کوششوں کی تعریف کی۔ انھوں نے اس بات پر بھی زور دیا کہ 10 زبانوں میں سوراج کا ٹیلی کاسٹ سب کے لیے اس کی رسائی کو بڑھا دے گا۔ وزیر نے کامیاب لانچ پر دور درشن اور آل انڈیا ریڈیو کی پوری ٹیم کو مبارکباد دی۔
آئی اینڈ بی کی وزارت کے سکریٹری، جناب اپوروا چندرا، جنھوں نے لانچنگ تقریب میں بھی شرکت کی، کہا، ”آزادی کا امرت مہوتسو کے موقع پر، یہ بڑی خوشی کی بات ہے کہ سیریل کے ذریعے ان نوجوانوں کے تعاون کے بارے میں معلوم ہوگا جنھوں نے جدوجہد آزادی میں قربانیاں دیں۔ انھوں نے یہ بھی کہا کہ پرسار بھارتی اپنے ناظرین کے لیے اس طرح کے اعلیٰ معیار کے سیریل کے ذریعے صحت بخش تفریح کے اپنے ہدف کو پورا کر رہی ہے۔
ممبر، سوراج ایڈوائزری کمیٹی، جناب جواہر لال کول نے اپنے خطاب میں اس نکتے پر زور دیا کہ ہندوستان کی جدوجہد آزادی کے تمام خطوں کے گمنام اور غیر معروف ہیروز کو سوراج کے لیے ان کی عظیم قربانی کے لیے یاد کیا جانا چاہیے۔ انھوں نے کہا کہ سوراج ایڈوائزری کمیٹی کی گہری تحقیق اور مطالعہ نے سیریل کی تیاری کے لیے مواد کو تقویت بخشی ہے۔
یہ پرومو سی ای او، پرسار بھارتی اور ڈی جی، دور درشن، جناب مینک کمار اگروال، رکن (فنانس)، پرسار بھارتی، جناب ڈی پی ایس نیگی، ڈی جی، اے آئی آر، جناب این وی ریڈی اور دیگر معززین کی موجودگی میں لانچ کیا گیا۔ اپنے اعلیٰ تکنیکی پیداواری معیار اور ایک متاثر کن بیانیہ کے ساتھ، سوراج یقینی طور پر ہر ہندوستانی کے دل کو فخر سے بھر دے گا!
