ایم آئی ایم ضلع صدر نے سعادت گنج میں عید ملن پروگرام میں شرکت کی

سعادت گنج، بارہ بنکی(ابوشحمہ انصاری)

 انجمن روداد کربلا کے جنرل سکریٹری حافظ عطاء الرحمن انصاری کی رہائش گاہ پر عید ملن کی تقریب کا انعقاد کیا گیا۔ جس میں آل انڈیا مجلس اتحاد المسلمین پارٹی کے ضلع صدر سابق ایم ایل اے امیدوار ارون کمار عرف وکاس سریواستو نے پہنچ کر عید ملن پروگرام سے خطاب کیا اور گلے مل کر عید مبارک دی۔

وہی سبھی نے ایک دوسرے کو سیوائی کھلا کر منہ میٹھا کرایا اور کہا کہ پورے رمضان کے روزے رکھنے کے بعد اللہ نے ہمیں عید جیسے تہوار سے نوازا عید آپسی بھائی چارے کو فروغ دینے والا تہوار ہے چند مٹھی بھر جو لوگ ملک کو آگ میں دھکیلنے کا کام کر رہے ہیں وہ اپنے مشن میں کبھی کامیاب نہیں ہوں گے۔

 مزید آگے وکاس شریواستو نے کہا کہ ہماری پارٹی پوری طاقت کے ساتھ شہری انتخابات میں حصہ لے رہی ہے ہمارا پہلا مقصد جناب بیرسٹر اسدالدین اویسی کے مشن کو آگے بڑھانا مظلوموں کو انصاف فراہم کرنا ہے۔ اس موقع پر محمد خالد، حافظ محمد زید، سلمان انصاری، حافظ ضیاء الرحمن، طلحہ اشراق، منا بھائی، محمد حمید سمیت درجنوں کارکنان موجود رہے۔