_______________ ﻥ۔ﻡ۔ ﺭﺍﺷﺪ ________________
.
* یکم ﺍﮔﺴﺖ 1910ء کو ﻥ۔ﻡ۔ ﺭاشد ﺍﮐﺎﻝ ﮔﮍﮪ ﺿﻠﻊ ﮔﻮﺟﺮﺍﻧﻮﺍﻟﮧ ﻣﯿﮟ ﭘﯿﺪﺍ ﮨﻮﺋﮯ ﺗﮭﮯ۔ ن۔م۔ راشد کا اصل نام نذر محمد راشد تھا۔
ﻋﻼﻣﮧ ﺍﻗﺒﺎﻝ ﮐﯽ ﻭﻓﺎﺕ ﮐﮯ ﺑﻌﺪ ﺍﺭﺩﻭ ﺷﺎﻋﺮﯼ ﺟﻦ ﺷﻌﺮﺍ ﮐﯽ ﺑﺪﻭﻟﺖ ﻋﮩﺪ ﺁﻓﺮﯾﻦ ﺗﺒﺪﯾﻠﯿﻮﮞ ﺳﮯ ﺩﻭﭼﺎﺭ ﮨﻮﺋﯽ ﺍﻥ ﻣﯿﮟ ﻥ ﻡ ﺭﺍﺷﺪ ﮐﺎ ﻧﺎﻡ ﺑﻼﺷﺒﮧ ﺳﺮﻓﮩﺮﺳﺖ ﮨﮯ۔ ﺍﺱ ﻣﯿﮟ ﺷﮏ ﻧﮩﯿﮟ ﮐﮧ ﺣﺎﻟﯽ ﺍﻭﺭ ﺁﺯﺍﺩ ﺳﮯ ﻟﮯ ﮐﺮ ﺍﻗﺒﺎﻝ ﺗﮏ ﺍﻭﺭ ﺍﻗﺒﺎﻝ ﺳﮯ ﻟﮯ ﮐﺮ ﺟﻮﺵ ‘ ﺣﻔﯿﻆ ﺟﺎﻟﻨﺪﮬﺮﯼ ﺍﻭﺭ ﺍﺧﺘﺮ ﺷﯿﺮﺍﻧﯽ ﺗﮏ ﺍﺭﺩﻭ ﻧﻈﻢ ﻧﮯ ﺑﮍﺍ ﺗﯿﺰ ﺳﻔﺮ ﮐﯿﺎ ﻟﯿﮑﻦ ﯾﮧ ﺳﻔﺮ ﻧﻈﻢ ﻧﮕﺎﺭﯼ ﮐﯽ ﺩﯾﺮﯾﻨﮧ ﺭﻭﺍﯾﺎﺕ ﮐﮯ ﺩﺍﺋﺮﮮ ﮨﯽ ﻣﯿﮟ ﮨﻮﺍ۔ ﻟﯿﮑﻦ ﻥ ﻡ ﺭﺍﺷﺪ ﺍﻭﺭ ﺍﻥ ﮐﮯ ﺍﯾﮏ ﺍﻭﺭ ﻣﻤﺘﺎﺯ ﮨﻢ ﻋﺼﺮ ﻣﯿﺮﺍ ﺟﯽ ﮐﮯ ﯾﮩﺎﮞ ﺍﺱ ﻧﻈﻢ ﻧﮯ ﮨﯿﺌﺖ ﻭ ﺍﺳﻠﻮﺏ ﻣﯿﮟ ﺍﯾﮏ ﺍﯾﺴﯽ ﺗﺒﺪﯾﻠﯽ ﮐﯽ ﺑﻨﯿﺎﺩ ﮈﺍﻟﯽ ﺟﺲ ﻧﮯ ﻧﻈﻢ ﮐﺎ ﺳﺎﻧﭽﮧ ﮨﯽ ﺑﺪﻝ ﮈﺍﻻ۔
ﻥ۔ﻡ ﺭﺍﺷﺪ ﮐﺎ ﭘﮩﻼ ﻣﺠﻤﻮﻋﮧ "ﻣﺎﻭﺭﺍ" 1941 ﺀ ﻣﯿﮟ ﺷﺎﺋﻊ ﮨﻮﺍ ﺗﻮ ﮔﻮﯾﺎ ﯾﮧ ﭨﮭﮩﺮﮮ ﮨﻮﺋﮯ ﺗﺎﻻﺏ ﻣﯿﮟ ﺍﯾﮏ ﭘﺘﮭﺮ ﮐﯽ ﻣﺜﺎﻝ ﺛﺎﺑﺖ ﮨﻮﺍ۔ ﺭﺍﺷﺪ ﻧﮯ ﺍﭘﻨﯽ ﻧﻈﻤﻮﮞ ﻣﯿﮟ ﻧﮧ ﺻﺮﻑ ﯾﮧ ﮐﮧ ﻧﻈﻢ ﺁﺯﺍﺩ ﮐﺎ ﮐﺎﻣﯿﺎﺏ ﺗﺠﺮﺑﮧ ﮐﯿﺎ ﺑﻠﮑﮧ ﻣﻐﺮﺏ ﮐﮯ ﺷﻌﺮﺍ ﺑﺎﻟﺨﺼﻮﺹ ﺍﻧﮕﻠﺴﺘﺎﻥ ﺍﻭﺭ ﻓﺮﺍﻧﺲ ﮐﮯ ﺟﺪﯾﺪ ﺷﻌﺮﺍٔ ﺳﮯ ﻣﺘﺎﺛﺮ ﮨﻮ ﮐﺮ ﻧﻈﻢ ﻧﮕﺎﺭﯼ ﮐﮯ ﻓﻦ ﮐﻮ ﻧﺌﮯ ﻃﺮﯾﻘﻮﮞ ﺳﮯ ﺑﺮﺗﻨﮯ ﮐﯽ ﮐﻮﺷﺶ ﮐﯽ۔ ﯾﮧ ﻧﻈﻢ ﺳﺎﺩﮦ ﺍﻭﺭ ﺑﯿﺎﻧﯿﮧ ﺷﺎﻋﺮﯼ ﺳﮯ ﺧﺎﺻﯽ ﻣﺨﺘﻠﻒ ﺗﮭﯽ ﺍﻭﺭ ﺍﺱ ﻧﻈﻢ ﻣﯿﮟ ﺍﻓﺴﺎﻧﻮﯼ ﺍﻭﺭ ﮈﺭﺍﻣﺎﺋﯽ ﺍﻧﺪﺍﺯ ﮐﮯ ﺟﺪﯾﺪ ﺍﺳﺎﻟﯿﺐ ﺑﺪﺭﺟﮧٔ ﺍﺗﻢ ﻣﻮﺟﻮﺩ ﺗﮭﮯ۔
ﺍﺑﺘﺪﺍ ﻣﯿﮟ ﻥ۔ﻡ ﺭﺍﺷﺪ ﺍﻭﺭ ﻣﯿﺮﺍ ﺟﯽ ﺩﻭﻧﻮﮞ ﮨﯽ ﺷﺪﯾﺪ ﺗﻨﻘﯿﺪ ﮐﺎ ﻧﺸﺎﻧﮧ ﺑﻨﮯ ﻟﯿﮑﻦ ﺍﻧﮩﻮﮞ ﻧﮯ ﺟﻮ ﺑﯿﺞ ﺑﻮﯾﺎ ﻭﮦ ﺑﮩﺖ ﺟﻠﺪ ﺗﻨﺎﻭﺭ ﺩﺭﺧﺖ ﮐﯽ ﺷﮑﻞ ﺍﺧﺘﯿﺎﺭ ﮐﺮﮔﯿﺎ۔ ﺧﻮﺩ ﺭﺍﺷﺪ ﻧﮯ ﻣﺎﻭﺭﺍ ﮐﮯ ﺑﻌﺪ ﺍﺭﺩﻭ ﺷﺎﻋﺮﯼ ﮐﻮ ﮐﺌﯽ ﯾﺎﺩﮔﺎﺭ ﻣﺠﻤﻮﻋﮯ ﻋﻄﺎ ﮐﯿﮯ ﺟﻦ ﻣﯿﮟ ﺍﯾﺮﺍﻥ ﻣﯿﮟ ﺍﺟﻨﺒﯽ ‘ ﻻ = ﺍﻧﺴﺎﻥ ﺍﻭﺭ ﮔﻤﺎﻥ ﮐﺎ ﻣﻤﮑﻦ ﺷﺎﻣﻞ ﮨﯿﮟ۔ ﺍﻥ ﮐﮯ ﻋﻼﻭﮦ ﺩﻭﺳﺮﮮ ﺷﻌﺮﺍٔ ﻧﮯ ﺑﮭﯽ ﻏﯿﺮ ﻣﺤﺴﻮﺱ ﻃﺮﯾﻘﮯ ﺳﮯ ﺍﻥ ﮐﺎ ﺍﺗﺒﺎﻉ ﮐﯿﺎ ﺍﻭﺭ ﯾﻮﮞ ﺍﺭﺩﻭ ﺷﺎﻋﺮﯼ ﮐﮯ ﺻﺤﻦ ﻣﯿﮟ ﻧﺌﮯ ﺩﺭﯾﭽﮯ ﮐﮭﻠﺘﮯ ﭼﻠﮯ ﮔﺌﮯ۔
ﻥ۔ﻡ ﺭﺍﺷﺪ ﻧﮯ ﺍﭘﻨﯽ ﺯﻧﺪﮔﯽ ﻣﺨﺘﻠﻒ ﻣﻤﺎﻟﮏ ﻣﯿﮟ ﺑﺴﺮ ﮐﯽ۔ ﺯﻧﺪﮔﯽ ﮐﮯ ﺁﺧﺮﯼ ﺍﯾﺎﻡ ﻣﯿﮟ ﻭﮦ ﻟﻨﺪﻥ ﻣﯿﮟ ﻣﻘﯿﻢ ﺗﮭﮯ ﺟﮩﺎﮞ ﻭﮦ 9 ﺍﮐﺘﻮﺑﺮ 1975 ﺀ ﮐﻮ ﻭﻓﺎﺕ ﭘﺎﮔﺌﮯ ﺍﻥ ﮐﯽ ﻭﻓﺎﺕ ﮐﮯ ﺑﻌﺪ ﺍﻥ ﮐﯽ ﻭﺻﯿﺖ ﮐﮯ ﻣﻄﺎﺑﻖ ﺍﻥ ﮐﯽ ﻻﺵ ﮐﻮ ﻧﺬﺭ ﺁﺗﺶ ﮐﺮﺩﯾﺎ ﮔﯿﺎ۔ تاہم حقیقت کیا تھی، کھل نہ سکی لہذا یہ معمہ ابھی تک سر بستہ راز ہی ہے۔ ﻭﮦ ﺯﻧﺪﮔﯽ ﺑﮭﺮ ﺩﻧﯿﺎ ﮐﻮ ﭼﻮﻧﮑﺎﺗﮯ ﺭﮨﮯ ﺗﮭﮯ ﺍﻭﺭ ﻣﻮﺕ ﮐﮯ ﺑﻌﺪ ﺑﮭﯽ ﺍﭘﻨﯽ ﯾﮧ ﻋﺎﺩﺕ ﺗﺮﮎ ﻧﮧ ﮐﺮﺳﮑﮯ۔
