حضرت نظام الدین اولیاء کے یوم پیدائش پر تمام مذاہب کے لوگوں نے دربار میں حاضری لگائی
حضرت خواجہ سید نظام الدین اولیا کا808ویں یوم پیدائش تقریب غسل شریف درگاہ کے چیف انچارج سید کاشف نظامی کی دیکھ ریکھ میں اختتام پذیر ہوا۔
بہت ہی خوبصورت نظارہ یہاں دیکھنے کو ملا، درگاہ احاطے کو خوبصورت روشنیوں سے سجایا گیا، جگہ جگہ لنگر اور قوالیاں کا لطف بھی زائرین لیتے ہوئے نظر آئے۔
محبوب الٰہی اس لیے بھی جانے جاتے ہیں کہ ان کے دربار میں کسی قسم کی مذہبی تفریق نہیں، ہمیشہ کی طرح اس بار بھی یہی نظارہ دیکھنے کو ملا۔ تمام مذاہب کے لوگوں نے ایمان کے ساتھ حضرت کی بارگاہ میں حاضری دی اور نذر مانی۔
اس موقع پر دہلی اقلیتی کمیشن دہلی حکومت کے چیئرمین ذاکر خان منصوری، مشہور صوفی گلوکار ہمسار حیات نظامی، میڈیا 24×7 کے چیف ایڈیٹر معروف رضا، فیس گروپ کے چیئرمین ڈاکٹر مشتاق انصاری، ڈولفن فٹ ویئر کے سی ایم ڈی سید فرحت علی، سیاسی و سماجی شخصیات بھی موجود تھیں۔