“مدھیہ پردیش اردو اکادمی، سنسکرتی پریشد، محکمۂ ثقافت کے ذریعے تخلیق کاروں کی تصانیف پر اعزازات کا اعلان”
مدھیہ پردیش اردو اکادمی ، سنسکرتی پریشد، محکمۂ ثقافت کے ذریعے سال ۲۰۲۱ اور ۲۰۲۲ میں شائع شدہ کتابوں پر تشکیل شدہ ایوارڈ جیوری کے ذریعے درج ذیل 6 کل ہند اعزازات اعزازی رقم مبلغ 51000 ؍ روپے اور 12 صوبائی اعزازات انعامی رقم مبلغ 31000؍ روپے دینے کا فیصلہ لیا گیا۔
کل ہند اعزاز ات :
میرتقی میر اعزاز،ڈاکٹر شفیع ہدایت قریشی ، دتیہ کو ’انبساط فکر‘ پر ، حکیم قمرالحسن اعزاز، جناب عارف عزیز ، بھوپال کو ’زاویۂ نگاہ ‘ پر ، حامد سعید خاں اعزاز محترمہ رخشندہ روحی مہدی کو ’مانسون اسٹور‘ پر ، شاداں اندوری اعزاز، جناب بدر واسطی بھوپال کو ’ناچ گان ‘ پر ، جوہر قریشی اعزاز ، محترمہ رینو بہل ، دلی کو ’جہان آرزو‘ پر ، ابراہیم یوسف اعزاز، ڈاکٹر رضوان الحق ، دلی کو ’خودکشی نامہ‘ پر ۔
صوبائی اعزازات :
سراج میر خاں سحر اعزاز ، شعور آشنا ، برہانپور کو ’ انتظار اور کب تک ‘ پر ، باسط بھوپالی اعزاز ڈاکٹر محمد اعظم، بھوپال کو ’درد کا چاند بجھ گیا‘ پر ، محمد علی تاج اعزاز جناب اشوک مزاج بدر ، ساگر کو ’میں اکائی ہوں ، میں سماج بھی‘ پر ، نواب صدیق حسن خان اعزازجناب رشید انجم بھوپال کو ’آواز کی دنیا کا دوست امین سیانی ‘ پر ، شعری بھوپالی اعزاز جناب رفیق ریوانی ، ریوا کو ’کچھ شعر کچھ قطعات کچھ غزلیں‘ پر ، کیف بھوپالی اعزاز محترمہ رشدیٰ جمیل بھوپال کو، شمبھو دیال سخن اعزاز جناب مہیندر اگروال ، شیوپوری کو ’رو بہ رو ‘ پر، شفا گوالیاری اعزاز ڈاکٹر واصف یار برہانپور کو ’مٹی ڈال پر‘،
جاں نثار اختر اعزاز پروفیسر آفاق حسین صدیقی بھوپال کو ’ اردو شاعری میں شخصی مرثیے ‘ پر، پنا لال نور شریواستو اعزاز جناب ریاض عالم محمدی ، جبلپور کو ’ تجلیات بزم ثنا‘ پر، سورج کلا سہائے اعزاز محترمہ خالدہ صدیق بھوپال کو ’گلابی شام کے سائے‘ پر اور ندا فاضلی اعزاز جناب جمیل احمد جمیل ، جبلپور کو ’رباب فکر‘ پر ۔
یہ اعزازات جلد ہی تقریب اعزازات منعقد کر پیش کیے جائیں گے۔
ڈاکٹر نصرت مہدی
ڈائریکٹر
