شہاب پور،بارہ بنکی(ابوشحمہ انصاری)

بھوک و پیاس سے بچنا اور شہوات و لذات سے احتراز کرنا،ہاتھ،پیر، کان، ناک، زبان،آنکھ یہاں تک کہ دل و دماغ کو لہو و لعب سے بچانے کا نام صیام ہے۔ امت محمدیہ کے لئے اس کا وقت متعین ہے۔ جس کو سحر و افطار کہتے ہیں۔ یہ دونوں وقت رحمتوں سے معمور ہیں۔

یہ اس امت کا شان امتیاز ہے۔ دن میں روزہ رکھ کر رات میں قیام یعنی تراویح کے لئے احکم الحاکمین کے سامنے صف کیا جانا بھی تربیت ہے۔ اس امر کی کہ دلوں میں قلعی کی جائے۔ اور اپنے قلوب منور کئے جائیں۔

 شہاب پور کےمعروف صحافی محمد رضوان انصاری کے صاحبزادے محمد فیض انصاری ابن محمد رضوان انصاری نے گزشتہ جمعہ کے دن 7 سال کی عمر میں اس سال کا پہلا روزہ مکمل کیا ہے۔

محمد فیض انصاری”مدرسہ اسلامیہ عربیہ شہاب العلوم”شہاب پور میں چہارم درجہ کا طالب علم ہے ۔ یہ بچہ بہت ہی ذہین و دیندار ہے۔اپنے کلاس میں اول مقام حاصل کرتا ہے۔

اس کے اس کامیابی اور پہلا روزہ رکھنے پر دادا دادی،نانی،والدین،چچا چچی،ماموں ممانی،خالہ خالو، بھاٸی بہن و تمام رشتہ داروں نے دعاؤں سے نوازا ہے ساتھ ہی اس کے علم نافع ، بہتر صحت، دینداری اور بہتر مستقبل کی دعائیں دیں ہیں۔