مولانا آزاد نیشنل اردو یونیورسٹی، یونیورسٹی لٹریری کلب کی جانب سے 22 مارچ 2023 کو ثقافتی سرگرمی مرکز میں ”تخلیق کار سے ملاقات“ پروگرام کا انعقاد کیا گیا جس میں مشہور نقاد اور ہندوستانی زبانوں کا مرکز، اسکول آف لینگویج، لٹریچر اینڈ کلچر اسٹڈیز، جواہر لال نہرو یونیورسٹی، نئی دہلی کے استاد اور سابق چیئرپرسن پروفیسر انور پاشا (سید انوار عالم) کو مدعو کیا گیا۔
پروفیسر انور پاشا نے ادب، سماج اور ثقافت کے مختلف پہلوؤوں پر روشنی ڈالی۔
سماج اور زندگی میں ادب کی اہمیت کو اجاگر کرتے ہوئے انھوں نے طلبہ کو ادب کے مطالعے پر خصوصی توجہ مرکوز کرنے کی ترغیب دی۔
اس اجلاس میں مختلف شعبوں کے طلبہ کے علاوہ رجسٹرار پروفیسر اشتیاق احمد، ڈین اسٹوڈنٹس ویلفیئر پروفیسر سید علیم اشرف جائسی، لٹریری کلب کے صدر ڈاکٹر فیروز عالم اور کلچرل کوآرڈنیٹر جناب معراج احمد اور شعبۂ اردو، حیدرآباد سنٹرل یونیورسٹی کے استاد ڈاکٹر محمد زاہدالحق بھی موجود تھے۔
پروگرام کے ابتداء میں لٹریری کلب کے سکریٹری عبدالمقیت نے خیر مقدمی گفتگو کی۔ طلحہ متین نے مہمان کا تعارف پیش کیا۔ عمران احمد نے نظامت کے فرائض انجام دیئے اور طلحہ منان کے اظہار تشکر پر جلسہ کا اختتام عمل میں آیا۔