پاکستانی زائرین  نے چارج ڈی افیئر سلمان شریف کے ہمراہ پیر کو نئی دہلی میں حضرت امیر خسرو (رح) کے مزار پر حاضری دی اور پاکستان کی حکومت اور عوام کی جانب سے روایتی چادر چڑھائی۔ حضرت امیر خسرو کے 719ویں عرس میں شرکت کے لیے 104 پاکستانی زائرین کا ایک گروپ نئی دہلی کا دورہ کر رہا ہے۔

درگاہ پر ناظم اعلیٰ اور پاکستانی زائرین کا استقبال سجادہ نشین دیوان طاہر نظامی نے کیا۔ اس موقع پر درگاہ کمیٹی کے دیگر اراکین بھی موجود تھے۔ حضرت امیر خسرو کے مزار پر روایتی چادر چڑھانے کے بعد شرکا نے دعا کی۔ انہوں نے پاکستان اور ہندوستان اور دنیا بھر کے مسلمانوں کی فلاح و بہبود کے لیے دعا کی۔بعد ازاں چارج ڈی افیئرز اور زائرین نے بھی اسی احاطے میں درگاہ حضرت نظام الدین اولیاء پر حاضری دی۔ چادر چڑھانے کے بعد دعا کی گئی۔

 سجادہ نشین نے چارج ڈی افیئرز اور زائرین کے گروپ لیڈر کی دستار بندی (روایتی پگڑی( بھی کی۔اس موقع پر خطاب کرتے ہوئے ناظم الامور سلمان شریف نے خطے میں امن، محبت، ہم آہنگی اور رواداری کے پیغام کو عام کرنے میں صوفی بزرگوں کے نمایاں کردار پر روشنی ڈالی۔

بعد ازاں زائرین کے نمائندوں نے چارج ڈی افیئرز سے الگ ملاقات کی اور ان کے دورے میں سہولت فراہم کرنے پر حکومت پاکستان اور ہائی کمیشن کا شکریہ ادا کیا۔پاکستانی زائرین کا یہ دورہ 1974 کے بھارت پاکستان پروٹوکول کے تحت مذہبی مقامات کے دورے پر آتا ہے۔