وزیر اعظم نریندر مودی نے ہفتہ کے روز حیدرآباد میں 11ویں صدی کے بھکتی مارگ کے سنت سری رامانوجچاریہ کی یاد میں تعمیر کردہ 216 فٹ اونچا مجسمہ'مساوات کا مجسمہ'  قوم کے نام وقف کیا۔ یہ دنیا کے سب سے اونچے دھاتی مجسموں میں سے ایک ہے جو بیٹھنے کی حالت میں ہے۔قبل ازیں وزیر اعظم نے شمش آباد میں واقع 'یگیہ شالہ' میں پوجا کی۔

سری رامانوجچاریہ نے عقیدے، ذات پات اور مسلک سمیت زندگی کے تمام پہلوؤں میں مساوات کے خیال کو فروغ دیا۔ یہ مجسمہ 'پنچلوہا' دھات سے بنا ہے۔ اس میں سونا، چاندی، تانبا، پیتل اور زنک جیسی پانچ دھاتیں استعمال کی گئی ہیں۔

یہ مجسمہ 54 فٹ اونچی بنیاد کی عمارت پر نصب ہے، جسے 'بھدر ویدی' کا نام دیا گیا ہے۔ اس میں ایک ویدک ڈیجیٹل لائبریری اور تحقیقی مرکز، قدیم ہندوستانی متن، ایک تھیٹر، ایک تعلیمی گیلری ہے، جو سری رامانوجچاریہ کے بہت سے کاموں کی تفصیلات پیش کرتی ہے۔ اس مجسمے کا تصور سری رامانوجاچاریہ آشرم کے سری چنا جیار سوامی نے کیا ہے۔

سری رامانوجچاریہ نے قومیت، جنس، نسل، ذات یا عقیدے سے قطع نظر ہر انسان کے جذبے کے ساتھ لوگوں کی ترقی کے لیے انتھک محنت کی۔ مجسمہ مساوات کا افتتاح سری رامانوجچاریہ کے 1000ویں یوم پیدائش کی تقریبات یعنی 12 روزہ سری رامانوج ملینیم تقریبات کا ایک حصہ ہے۔