Urdu News

صدر جمہوریہ اورنائب صدر، وزیر اعظم، راہل گاندھی اور پرینکا گاندھی نے بسنت پنچمی کی مبارک باد پیش کی

صدر جمہوریہ اورنائب صدر، وزیر اعظم، راہل گاندھی اور پرینکا گاندھی نے بسنت پنچمی کی مبارک باد پیش کی


صدر جمہوریہ اورنائب صدر، وزیر اعظم، راہل گاندھی اور پرینکا گاندھی نے بسنت پنچمی کی مبارک باد پیش کی

نئی دہلی ، 16 فروری (انڈیا نیرٹیو)

صدر جمہوریۂ ہند رام ناتھ کووند نے بست پنچمی کی مبارک باد دی

صدر جمہوریہ رام ناتھ کووند اور نائب صدر ایم وینکیا نائیڈو نے منگل کے روز عوام کو بسنت پنچمی اور سرسوتی پوجا کی نیک خواہشات پیش کیں۔

صدر رام ناتھ کووند نے اپنے مبارک بادی پیغام میں کہا’بسنت پنچمی اور سرسوتی پوجا کے موقع پرملک کے سبھی عوام کو دلی مبارک باد۔ میری خواہش ہے کہ موسم بہار کی آمد سے تمام اہل وطن کی زندگی میں خوشی اور خوشحالی آئے۔نائب صدر ایم وینکیا نائیڈو نے اپنے پیغام میں کہا’ میں وسنت پنچمی کے موقع پر عوام کو دلی مبارک باد پیش کرتا ہوں۔

وزیر اعظم نریندر مودی نے بست پنچمی کی مبارک باد دی

وزیراعظم جناب نریندر مودی نے بسنت پنچمی اور سرسوتی پوجا کے موقع پر لوگوں کو مبارک با د دی ہے۔ ایک ٹوئٹ میں وزیراعظم نے کہا کہ’’بسنت پنچمی اور سرسوتی پوجا کے مبارک موقع پر آپ سبھی کو دلی مبارک باد‘‘

 بسنت پنچمی اور سرسوتی پوجا کا تہوار آج پورے ملک میں دھوم دھام کے ساتھ منایا جارہا ہے۔ ہر سال ماگھ کے مہینے میں شکل پکش پر منائے جانے والے اس تہوار کے موقع پر ، صدر ، وزیر اعظم اور دیگر سیاست دانوں نے سب کی فلاح و بہبود کے لیے علم کی ماں دیوی سرسوتی سے دعا کی ہے۔

پرینکا گاندھی نے بسنت پنچمی کے تہوار پر دادی اندرا گاندھی کو یاد کیا

اس موقع پر ، پرینکا گاندھی نے منگل کو ٹویٹ کیا اور بسنت پنچمی پر اسکول کے دنوں کا ایک قصہ شیئر کیا۔ انہوں نے ٹویٹ میں لکھا کہ ’’میری دادی اندرا جی اسکول جانے سے پہلے ہم دونوں کی جیب میں ایک پیلے رنگ کا رومال رکھتی تھیں۔ آج بھی میری والدہ بسنت کے دن سرسوں کے پھول منگاتی ہیں اور گھر کو سجاتی ہیں۔‘‘ انہوں نے علم کی دیوی ماں سرسوتی سے سب کی فلاح و بہبود کے لیے دعا کی۔

کانگریس کے سابق صدر راہل گاندھی نے بھی بسنت پنچمی پر عوام کو مبارک باد دی

قابل ذکر ہے کہ بسنت پنچمی کے تہوار پر ماں سرسوتی کی پوجا کی جاتی ہے۔ یہ تہوار زندگی میں علم اور تعلیم کی اہمیت کو بھی ظاہر کرتا ہے۔

Recommended