وائس چانسلر نے نے دستے کو جھنڈی دکھا کر روانہ کیا
جموں یونیورسٹی میں 31 جنوری سے 4 فروری تک منعقد ہونے والے 36 ویں انٹر یونیورسٹی نارتھ زون یوتھ فیسٹیول میں کشمیر یونیورسٹی کے 49 طلبا کا دستہ حصہ لے گا۔ ایسوسی ایشن آف انڈین یونیورسٹیز کے زیراہتمام منعقد ہونے والے میگا ایونٹ کے لیے وائس چانسلر پروفیسر نیلوفر خان نے دستے کو جھنڈی دکھا کر روانہ کیا۔
فلیگ آف تقریب کے موقع پر طلبا سے بات چیت کرتے ہوئے پروفیسر نیلوفر نے کہا کہ یوتھ فیسٹیول میں ان کی شرکت عزت مآب وزیر اعظم کے ملک کے نوجوانوں کو جی20کے بنیادی ایجنڈوں کو آگے بڑھانے کی دعوت کے بعد حاصل ہوئی ہے۔
انہوں نے کہا کہ اس طرح کے تہوار نوجوانوں کے درمیان خیالات کے تبادلے اور جی20 گروپ آف کنٹریز کی طرف سے اپنائے گئے 17 پائیدار ترقی کے اہداف پر مزید بات چیت کے لیے ایک بہترین پلیٹ فارم ہیں۔ ” یوتھ۔20 کو ایک پلیٹ فارم کے طور پر منتخب کیا گیا ہے تاکہ نوجوانوں کو اپنے تجربات شیئر کرنے اور قوم کی تعمیر میں حصہ ڈالنے کی ترغیب دی جا سکے۔
لہذا، نوجوانوں کے میلوں میں ہمارے طلباء کی شرکت بہت اہمیت رکھتی ہے۔انہوں نے شرکا کو اپنی نیک خواہشات کا اظہار کرتے ہوئے کہاکہ یونیورسٹی اپنے طلباء اور ریسرچ اسکالرز کو وائی۔ 20 ایونٹس میں فعال طور پر حصہ لینے اور ملک کے جی20 ایجنڈے کے پیغام کو نچلی سطح پر پھیلانے کی ترغیب دے گی۔
جموں یونیورسٹی میں طلبا کی ٹیم کی قیادت کلچرل آفیسر کے یو شاہد علی خان کررہے ہیں اور وہ فن، ثقافت، ادبی سرگرمیوں اور موسیقی کے 25 مختلف شعبوں میں مقابلہ کرے گی۔
