ایک ملاقات:یو پی ایس سی کاسی اے پی ایف امتحان پاس کرنے والی نوشہرہ کی سمرن بالا سے

 سرینگر۔11؍جون

 جموں و کشمیر کے سرحدی شہر نوشہرہ سے تعلق رکھنے والی سمرن بالا اس سال یونین پبلک سروس کمیشن(یو پی ایس سی)سنٹرل آرمڈ پولیس فورس (سی اے پی ایف) امتحان میں کامیابی حاصل کرنے والی یونین ٹیریٹری کی پہلی لڑکی بن گئی ہے۔ اس نے اس سال  یو پی ایس سی کے سی  اے پی ایف کے لیے کوالیفائی کرنے والے 151 امیدواروں میں سے 82 کا آل انڈیا رینک حاصل کیا ہے۔

 اس موقع پر سمرن بالا نے ملاپ  نیوز نیٹ ورک کو بتایا کہ میں جموں و کشمیر کی واحد لڑکی ہوں جس نے اس سال اس امتحان میں کامیابی حاصل کی۔ میں بہت فخر یاب اور شکر گزار ہوں۔ جموں و کشمیر کے سرحدی علاقے سے ہونے کی وجہ سے، میں نے اپنے علاقے میں سرحد پار سے فائرنگ دیکھی ہے، اس سے مجھے حوصلہ ملا کہ میں سی اے پی ایف میں شامل ہوں تاکہ میں سرحدی علاقے میں بھی خدمات انجام دے سکوں۔

 انہوں نے بتایا کہ میرا خواب پورا ہو گیا ہے۔ مجھے سنٹرل آرمڈ پولیس فورسز میں اسسٹنٹ کمانڈنٹ کے طور پر تعینات کیا گیا ہے۔ میں پورے جوش و جذبے کے ساتھ اپنی ذمہ داری پوری کروں گی۔ میرے خاندان اور میرے پڑوسیوں کو میری کامیابی پر فخر ہے۔اپنے سفر کے بارے میں بات کرتے ہوئے بالا نے کہا،میں نے یہاں 10ویں جماعت تک تعلیم حاصل کی جس کے بعد میں اپنی اعلیٰ ثانوی تعلیم کے لیے جموں چلی گئی۔ پھر میں نے گاندھی نگر سے گریجویشن مکمل کیا۔ میں اپنے آخری سمسٹر میں  تھی جب میں نے اس امتحان کی تیاری شروع کی اور پہلی کوشش میں خدا کے فضل سے پاس ہوگئی ۔

اس نے کہا،میرے والدین، اساتذہ اور بہت سے لوگوں نے میرا ساتھ دیا۔ سخت محنت، استقامت اور مستقل مزاجی نے اس امتحان میں میری مدد کی ۔ میں  ان سب کی شکر گزار ہوں۔اپنی منفرد کامیابی کے بارے میں بات کرتے ہوئے اس نے کہا،یہ ایک آل انڈیا لیول کا امتحان ہے۔ اس سے کوئی فرق نہیں پڑتا کہ آپ کا تعلق سرحدی علاقے سے ہے یا کسی میٹروپولیٹن شہر سے، آپ انٹرنیٹ کے دور کی بدولت امتحان میں کامیابی حاصل کر سکیں گے۔

 خواہشمندوں کے لیے، اس کا پیغام تھااگر یہ آپ کے اندر ہے، تو آپ اسے توڑ پائیں گے۔ آپ کو سخت محنت، دیانتدارانہ نقطہ نظر اور اچھی صحت کی ضرورت ہے۔یونین پبلک سروس کمیشن نے 2 جون کو  سی اے پی ایف کے  فائنل نتیجہ 2021 کا اعلان کیا۔  اس میں کل 151 امیدواروں نے امتحان پاس کیا ہے۔