دہلی یونیورسٹی  میں15جولائی سے شروع ہو سکتا ہے داخلہ عمل

دہلی یونیورسٹی15 جولائی  سے اپنے داخلے کا عمل شروع کرنے جارہی ہے۔ یونیورسٹی کے وائس چانسلر پی سی جوشی نے میڈیا سے گفتگو کرتے ہوئے کہا کہ دہلی یونیورسٹی 15 جولائی کے آس پاس داخلے کا عمل شروع کرے گی۔ جوشی نے کہا کہ تمام بورڈس (اسٹیٹ اور سی بی ایس ای) کے طلبا کو یکساں اہمیت دی جائے گی۔ انہوں نے کہا کہ بورڈ امتحان کے نتائج کا اعلان ہوتے ہی داخلے کا عمل شروع ہوگا۔ انہوں نے واضح طور پر کہا کہ دہلی یونیورسٹی میرٹ کی بنیاد پر داخلہ دے رہی ہے۔ اسی کا سلسلہ اس سال بھی جاری رہے گا۔

قابل ذکر بات یہ ہے کہ دہلی یونیورسٹی میں داخلے کا عمل 15 جولائی سے شروع ہوگا ، لیکن کورونا انفیکشن کی وجہ سے ، اس عمل میں مزید وقت لگ سکتا ہے اور سیشن بھی  سال کے آخر میں شروع ہوسکتا ہے۔