نئی دہلی،2 ستمبر

فوج، جو جموں و کشمیر اور لداخ میں کئی اسکولوں اور تربیتی اداروں کو چلا رہی ہے، نے اپنے آؤٹ ریچ پروگرام کو تیز کیا ہے اور اس سال 600 طلباء کو دو مرکز کے زیر انتظام علاقوں سے باہر یونیورسٹی کی تعلیم حاصل کرنے کے لیے اسپانسر کرنے کا منصوبہ بنایا ہے۔

فوج کی شمالی کمان 2021 میں شروع کی گئی اپنی ’جموں، کشمیر اور لداخ اسپیشل اسکالرشپ اسکیم‘ کے ذریعے ان طلبا کی تعلیم کو سپانسر کرے گی۔وظائف صرف ان بچوں کو دیئے جائیں گے جنہیں مالی امداد کی ضرورت ہے۔

 مزید برآں، اسکالرشپ حاصل کرنے والے طلبا کو 30,000 روپے بطور سیکورٹی ڈپازٹ اور داخلہ فیس کی یک وقتی ادائیگی کرنی ہوگی۔ تاہم، باقی ٹیوشن فیس، رہائش، اور کیٹرنگ فیس اسکالرشپ کی طرف سے احاطہ کیا جائے گا۔؎

دفاعی اور سیکورٹی اسٹیبلشمنٹ کے ذرائع نےبتایا کہ گزشتہ سال، راجستھان کی میواڑ یونیورسٹی میں 311 طلبا کو اپنی ڈگریاں حاصل کرنے کے لیے وظائف دیے گئے تھے۔

اگرچہ منصوبہ مزید اداروں کو شامل کرنے کا تھا، لیکن کوویڈ کی وجہ سے ایسا نہیں ہو سکا۔چونکہ گزشتہ سال ہزاروں طلبہ نے اسکالرشپ کے لیے درخواستیں دی تھیں اور صرف چند سو کو ہی فنڈز فراہم کیے جا سکے تھے، اس لیے ناردرن کمانڈ نے اس سال اسکالرشپ پول کو 600 سے زائد طلبہ تک بڑھانے کا فیصلہ کیا ہے۔

متعدد سرپنچوں، ضلع ترقیاتی کونسل کے اراکین، اور سول سوسائٹی کے اسٹیک ہولڈرز کے ذریعہ اس سال اسکالرشپ دیے جانے والے طلبا کی تعداد میں اضافہ کرنے کے لیے ایک مہم شروع کی گئی۔ اس کے بعد فوج نے اسکالرشپ حاصل کرنے والے طلبا کی تعداد میں اضافہ کیا۔

ذرائع کے مطابق اس سال 7500 سے زائد طلباء نے اسکیم کے لیے درخواستیں دیں۔ یہاں تک کہ زمینی دستے بھی اسکالرشپ اور اس کے لیے دستیاب نشستوں کی بڑھتی ہوئی تعداد کے بارے میں بیداری پھیلانے میں مصروف تھے۔

اسکالرشپ کے لیے رجسٹریشن اور اس کے بعد کے ٹیسٹ آن لائن منعقد کیے گئے۔ 1 سے 3 اگست کے درمیان، اہل امیدواروں کے انتخاب کے لیے ٹیسٹ منعقد کیے گئے۔دفاعی اور سیکورٹی اسٹیبلشمنٹ کے ذرائع نے مزید بتایا کہ اس سال اسکالرشپ کے لیے درخواست دینے والے 7,500 طلبا میں سے 6,000 سے زیادہ کشمیر، 1,400 جموں اور 100 کے قریب لداخ سے ہیں۔