Urdu News

ایم آئی انٹر کالج میں سالانہ انعامی پروگرام کا انعقاد

ایم آئی انٹر کالج میں سالانہ انعامی پروگرام کا انعقاد

بارہ بنکی(ابوشحمہ انصاری)

گزشتہ 3 اپریل کو ایم آئی انٹر کالج بنوک پوسٹ سعادت گنج ضلع بارہ بنکی میں تقسیم اسناد و سالانہ انعامی جلسہ کا انعقاد ہوا۔ یہ جلسہ کالج کے مینیجر محمدمستقیم انصاری کی صدارت میں منعقد ہوا۔اس موقع پرمستقیم انصاری نے بچوں کو اسناد و  انعامات سے نوازتے ہوئے کہا کہ علم ایک نور کی طرح ہے۔ جس سے جہالت کا اندھیرا دُور ہو جاتا ہے۔ علم ہی کے ذریعے انسان دنیا میں ترقی کے منازل طے کرسکتا ہے۔ تعلیم کے بےشمار فوائد ہیں۔ اس سے انسان اپنے آپ کو پہچانتا ہے۔ جسے ہم خودی کہتے ہیں۔

 علم کا بنیادی مقصد ہی اپنے آپ کو جاننے کے ہیں۔ اس کے علاوہ تعلیم کے ذریعے ایک انسان اپنے خالق کو پہچانتا ہے۔ اس کی دی ہوئی نعمتوں پر شکر ادا کرتا ہے۔ اس کی عظمت کا قائل ہوجاتا ہوں۔اس کی تعریف میں اپنی زبان کو تر رکھتا ہے۔ اس وسیع کائنات سے متاثر ہوکر اس کی بڑائی بیان کرتا ہے۔ مزید براں تعلیم کی وجہ سے انسان حق اور ناحق میں فرق کرپاتا ہے۔ جائز چیزوں کو ماننا اور ناجائز چیزوں کو رد کرنا تعلیم کا ہی احسان ہے۔ تعلیم سے انسان مختلف مسائل کا حل ڈھونڈتا ہے۔

تخریب کاری ، مذہبی منافرت ، نسلی عناد ، علاقائی عصبیت جیسی برائیوں سے انسان دور رہتا ہے۔ علم حاصل کرنے کے بعد انسان ان برائیوں کا حل ڈھونڈنے میں سرگرم ہوجاتا ہے۔ تعلیم سے ایک پر امن ماحول تعمیر ہوتا ہے۔ جس سے ترقی کے مواقع بڑھ جاتے ہیں۔ اس سے تواریخ کا بھر کا پور مطالعہ کیا جاتا ہے۔ تواریخ کے اسباق کو زندگی میں بروئے کار لایا جاتا ہے۔جس سے حال اور مستقبل دونوں سنور جاتے ہیں۔ اس جلسہ میں کثیر تعداد میں بچوں کے سرپرستوں نے شرکت فرمائی۔

Recommended