دستار فضیلت سے نوازے گئے علما ،دانشوروں اور سماجی شخصیتوں نے دی مبارک باد
گزشتہ شب بروز سنیچر اترپردیش، ایودھیا ضلع کے روناہی قصبہ میں واقع ملک و ملت کی عظیم ترین دانشگاہوں میں شمار کیا جانے والا ادارہ ، جامعہ اسلامیہ کا سالانہ تقریب بنام جشن دستار فضیلت و افتا کا انعقاد ہوا ۔ تقریباً ٨٠ بچوں کے سروں پر مشائخین جماعت کے مبارک ہاتھوں سے علم و فضل کی دستار باندھی گئی ۔
انہیں میں ضلع گونڈہ ، کرنیل گنج سے تعلق رکھنے والے حافظ و مولانا حشمت علی کے صاحبزادے اسلامک اسپیکر مولانا رفعت علی خان صاحب کے بھی سر پر دستار فضیلت باندھی گئی ۔ دوستوں و احباب و سماجی شخصیتوں نے مبارک بادی دینے کے لیے روناہی مدرسہ پہنچے۔
کرنیل گنج اسمبلی حلقہ کے سابق امیدوار اور سماج وادی پارٹی کے مشہور و معروف نیتا جناب مسعود عالم خان، حاجی فیروز خان گبر سابق امیدوار حلقہ بیکاپور اسمبلی ، معروف شاعر انور رضا بلرام پوری ، مولانا فیاض احمد برکاتی مصباحی، شاہ خالد مصباحی، دلشاد احمد مصباحی ، مفتی وثیق احمد الفت نظامی ، مفتی جنید احمد ، عظمت خان ، اسلم خان مولانا اطہر جامعی، سعادت خان ، مقصود عالم جامعی سمیت بے شمار احباب و ادبی شخصیات شریکِ جشن رہیں۔
بارہ بجے دن میں خصوصی پروگرام بنام الوداعیہ و فاتحہ عزیز موصوف کی طرف سے منعقد کی گئی جس میں شاندار ناشتہ اور دوپہر کے کھانے کا انتظام کیاگیا ۔جس میں ادارہ کے جملہ اساتذہ و طلبا اور مینیجر قاری جلال الدین صاحب خصوصی طور سے شریک رہے اور سبھی نے مولانا موصوف کو مبارکبادی پیش کرکے روشن مستقبل کے لیے نیک خواہشات پیش کیں۔
