اورنگ آباد کے اردو اسکولوں اور مریم مرزا کی محلہ لائبریریوں میں منایا گیا عالمی یومِ مراٹھی

<p dir="RTL" style="text-align: justify;">
<strong><span dir="LTR">27</span></strong><strong>فروری عالمی یومِ مراٹھی زبان</strong></p>
<p dir="RTL" style="text-align: justify;">
<strong>ریڈ اینڈ فاؤندیشن کی جانب سے اسکول کے طلباء ولائبریری ممبران میں پوسٹ کارڈ تقسیم</strong></p>
<p dir="RTL" style="text-align: justify;">
<strong>مراٹھی زبان میں ”خوشخط پوسٹ کارڈ لکھیے“ مقابلہ میں طلبا نے لیا حصہ</strong></p>
<p dir="RTL" style="text-align: justify;">
 اورنگ آباد27/ فروری</p>
<p dir="RTL" style="text-align: justify;">
مشہور مراٹھی شاعر کسوم ا گرج کے یومِِ پیدائش کو عالمی یومِ مراٹھی زبان“ کے طورپر منایا جاتاہے۔ کسوم اگرج کے ۰۱۱ویں پیدائش پر ریڈ اینڈ فاؤنڈیشن اورفیم کی جانب سے چلائی جارہی ہے مریم مرزا کی تحریک محلہ محلہ لائبریری کے تحت کسوم اگرج کے نام پر شہر کے مشہور علاقہ مصرواڑی میں رشیدہ اردو ہائی اسکول میں شروع کی گی ہے۔ اسی طرح مراٹھی غزل سمراٹ الہی جمعدار کے نام سے بھی نارے گاؤں علاقہ میں محلہ لائبریری چل رہی ہے۔ شہر کے مشہور علاقہ بائیجی میں واقع تحریک کی پہلی لائیریری بھارت تن ڈاکٹر اے پی جے عبدالکلام محلہ لائبریری کے ممبران شہر کے مشہور الہدی اسکول بائجی پورہ سے تعلق رکھتے ہیں انہوں نے بہترین انداز میں مراٹھی زبان میں پروگرام پیش کیا۔طلباء نے مراٹھی زبان میں نظمیں،کہانیاں اور مکالمے میں پیش کیے ان میں ثنا یونس، شرین ناصر، ہاجر شیخ، شفا طاہر،زارا الماس نے اپنی بہترین کارکردگی کا مظاہرہ کیا۔</p>
<p dir="RTL" style="text-align: justify;">
<img alt="" src="https://urdu.indianarrative.com/upload/news/kusumaa.jpg" /></p>
<p dir="RTL" style="text-align: justify;">
اس موقع پر ریڈ اینڈ لیڈ فاؤنڈیشن کے صدر مرزاعبدالقیوم ندوی نے طلباء و اساتذہ سے خطاب کرتے ہوئے مراٹھی زبان کی اہمیت و افادیت خصوصاََ عالمی یومِ مراٹھی زبان سے متعلق معلومات سے بھر پور اپنے خطاب میں کہاکہ طلباء کے چاہیے کہ وہ اپنی مادری زبان  اردو کے ساتھ ساتھ ریاستی و سرکاری زبان ”مراٹھی“ زبان میں بھی عبور حاصل کریں ایک سے زائد زبانوں پر ہمیں دسترس حاصل ہونا چاہیے۔ انہوں نے یہ بھی کہاکہ وہ گزشتہ چارسالوں سے اردو اسکولوں اور اردو میڈیم کے طلباء میں کس طرح مراٹھی زبان کو فروغ دینے کے لیے کوشاں ہیں۔ دوسال قبل ملک کی تاریخ میں پہلی بار اردو اسکولو ں کے طلباء نے 25000ہزار پوسٹ کارڈ مراٹھی زبان پر لکھ کر ریکارڈ بنایا تھا۔ وہ خود بھی گرمیوں کی چھوٹیوں میں اپنے گھر پر محلہ کے بچوں کو جمع کر بنیادی و روزمرہ کی مراٹھی زبان سیکھاتے ہیں۔</p>
<p dir="RTL" style="text-align: justify;">
اس موقع پر فاؤنڈیشن کے جانب سے الہدی اسکول کے طلبا و طالبات میں پوسٹ کارڈ تقسیم کیے گئے جن میں طلباء کو تین عنوانات کے تحت مراٹھی زبان میں پوست کارڈ لکھنا ہے۔ (۱) میرا پسندیدہ شہر اورنگ آباد۔(۲) میری پسندیدہ کتاب،(۳) میرا پسندیدہ مصنف۔</p>
<p dir="RTL" style="text-align: justify;">
اسکول کے صدر معملہ شیخ نرگس کی سرپرستی و رہنمائی میں یہ پروگرام منعقد کیاگیا۔ ڈاکٹر نسرین قادری نے مہمان مرزا عبدالقیوم ندوی کا تعارف اور مراٹھی زبان کے تئیں ان کی فکرمندی وکوششوں کا تذکرہ کرتے ہوئے کہاکہ مرزا ندوی ہمیشہ ہمارے اسکول کے طلباء کے لیے کچھ نہ کچھ نیا اور تعلیمی مواد لے کر حاضر ہوتے ہیں ہم ان کا شکریہ ادا کرتے ہیں۔ اسکول کی دیگرمعلمات میں شمیم سحر،نشا شیخ،عظمی پروین اور فرخت جہاں نے طلبا کو مراٹھی زبان کے اہمیت و افادیت سے واقف کرایا اور بہترین انداز میں پروگرام کو کامیابی سے ہمکنار کیا۔</p>
<p dir="RTL" style="text-align: justify;">
<img alt="" src="https://urdu.indianarrative.com/upload/news/mathee.jpg" /></p>