پنجاب پولیس کی اسٹیٹ اسپیشل آپریشن سیل نے پنجاب یونیورسٹی چنڈی گڑھ کے ایک طالب علم کو دہشت گردی کی فنڈنگ کے الزام میں گرفتار کیا ہے۔ ملزم کو ہفتہ کو عدالت میں پیش کر کے تین روزہ ریمانڈ پر لیا گیا۔ گرفتار نوجوان پنجاب کا رہائشی ہے اورپنجاب یونیورسٹی میں ایم اے کا طالب علم ہے۔
ریاستی اسپیشل آپریشن سیل نے نوجوان کو کئی دنوں کے جال اور خفیہ اطلاع کی بنیاد پر گرفتار کیا ہے۔ نوجوان کی شناخت سنگررور ضلع کے بھوانی گڑھ رہائشی ارشدیپ کے طور پر کی گئی ہے۔ ارشدیپ بیرون ملک بیٹھے لکھبیر سنگھ لنڈا اور گولڈی براڑ کا ساتھی ہے۔
اسٹیٹ اسپیشل آپریشن سیل کو تحقیقات میں پتہ چلا کہ بیرون ملک بیٹھے آئی ایس آئی ایجنٹ ارشدیپ کے بینک اکاؤنٹ میں رقم بھیج رہے ہیں۔ ملزم کی گرفتاری اس کے بینک اکاونٹ کی تفصیلات کی بنیاد پر کی گئی ہے۔
ہفتہ کو اسپیشل سیل کی ٹیم ارشدیپ کو لے کر موہالی کی عدالت میں پہنچی، جہاں پولیس نے دلیل دی کہ ملزم کو دبئی، امریکہ، فلپائن، اٹلی اور ملیشیا میں مقیم بنیادی طور پر پنجاب کے رہائشی آئی ایس آئی کے لئے فنڈنگ اور اسلحہ کی سپلائی کرنے کا کام کرنے والے سلیپر سیل کے ذریعہ ٹیرر فنڈنگ کی جا رہی تھی ۔
اس کے بینک کھاتوں کی چھان بین کی جائے گی۔ اس کے اکاونٹ میں اب تک کتنی فنڈنگ ہوئی ہے، اس کا پتہلگایا جائے گا۔ ارشدیپ کافی عرصے سے گولڈی براڑ اور لکھبیر لنڈا سے رابطے میں تھے۔ لکھبیر لنڈا موہالی میں پنجاب پولیس کے انٹیلی جنس ہیڈ کوارٹر پر دستی بم حملے کا مرکزی ملزم ہے۔ موہالی کی عدالت نے ارشدیپ کو تین دن کے ریمانڈ پر بھیج دیا ہے۔
