یو جی سی نے نئے سیشن کا تعلیمی کیلنڈر جاری کردیا، کلاسز یکم اکتوبر سے شروع ہوں گی

https://urdu.indianarrative.com/UGC.jpg

یونیورسٹی گرانٹس کمیشن

نئی دہلی، 17 جولائی (انڈیا نیرٹیو)

یونیورسٹی گرانٹس کمیشن (یو جی سی) نے کورونا پروٹوکول کے بعد نئے سیشن 2021-22 میں داخلے اور امتحانات سے متعلق نئی رہنما خطوط اور تعلیمی تقویم جاری کردی ہے۔ نوٹس کے مطابق پہلے سال کی کلاسز یکم اکتوبر سے شروع ہوں گی۔

کمیشن نے تمام یونیورسٹیوں اور کالجوں کو انڈرگریجویٹ اور پوسٹ گریجویٹ کورسز کے لئے داخلہ کا عمل 30 ستمبر تک مکمل کرنے کی ہدایت کی ہے۔ پہلے سمسٹر کے لئے کلاسز یکم اکتوبر کو یا اس سے پہلے شروع ہوں گے۔ خالی نشستوں کو پر کرنے کی آخری تاریخ 31 اکتوبر ہے۔

یو جی سی نے کہا ہے کہ گریجویشن کے دوسرے اور تیسرے سال کے طلباء اور پوسٹ گریجویشن کے دوسرے سال کے طلبہ کے لئے کلاسز جلد سے جلد آن لائن یا آف لائن موڈ سے شروع ہونی چاہئے۔ تمام یونیورسٹیوں اور کالجوں کو 31 اگست 2021 ء تک سیشن کے لئے ٹرمینل سمسٹر اور آخری سال کے سمسٹر امتحانات (2020-2021) آن لائن ہوں یا آف لائن (پین پیپر موڈ) یا بلینڈڈ موڈ کا انعقاد کرنا چاہئے۔ امتحانات کورونا کے رہنما خطوط پر عمل کراتے ہوئے ہونے چاہئیں۔

اس میں کہا گیا ہے کہ انڈرگریجویٹ کلاسوں کے لئے داخلے کا عمل جو بارہویں بورڈ کے نتائج کے اجراء کے بعد ہی شروع ہوگا۔ سی بی ایس ای، آئی سی ایس ای اور 12 ویں کے تمام ریاستی تعلیمی بورڈ کے نتائج 31 جولائی تک دیئے جائیں گے۔ نوٹیفکیشن میں مزید کہا گیا ہے کہ تازہ داخلے کے لئے دستاویزات 31 دسمبر تک جمع کرائی جاسکتی ہیں۔

کہا گیا ہے کہ اگر 12 ویں کلاس کے نتائج کے اعلان میں تاخیر ہوئی تو اعلی تعلیمی ادارہ 18 اکتوبر سے نیا تعلیمی منصوبہ تشکیل دے سکتا ہے۔

دستاویز میں مزیدکہاگیا ہے کہ اعلی تعلیمی ادارے 1 اکتوبر2021سے 31جولائی 2022کے درمیان ریاستی سرکاریں کلاسیں منعقد کریں گی، کوروناوائرس کی وبائی صورتحال اور ضروری پروٹوکول اور مرکزی اور ریاستی حکومتوں کے مشیروں اور مجاز حکام کی طرف سے جاری ہدایات کے تحت، امتحانات، سمسٹر بریک وغیرہ کے انعقاد کے لئے منصوبہ بنا سکتے ہیں۔

وبائی امراض کی وجہ سے متعدد والدین کو درپیش مالی پریشانیوں کو مدنظر رکھتے ہوئے، کمیشن نے یونیورسٹی حکام سے مطالبہ کیا ہے کہ وہ 31 اکتوبر 2021 تک طلباء سے تعلیمی سیشن 2021 کے لئے خصوصی کیس کے طور پر کوئی منسوخی فیس یا ہاسٹل فیس نہ لیں۔

یو جی سی نے اعلی تعلیمی اداروں کو ہدایت کی ہے کہ وہ اس بات کو یقینی بنائے کہ انڈرگریجویٹ کورسز اور تعلیمی سیشن 2021-22 کے پروگراموں کے لئے داخلہ عمل سی بی ایس ای، آئی سی ایس ای اور اسٹیٹ بورڈ کے ذریعہ نتائج کے اعلان کے بعد ہی شروع ہوگا۔

واضح رہے کہ سپریم کورٹ کو اسٹیٹ بورڈ کے ساتھ سی بی ایس ای اور سی آئی ایس سی ای کو ہدایت کی گئی تھی کہ وہ کالج داخلے کے دوران داخلے کے عمل کو ہموار کرنے کے لئے 31 جولائی سے قبل بورڈ کے نتائج کا اعلان کردیں۔ اس کے نتیجے میں، اگست میں ملک بھر کے مختلف کالجوں اور یونیورسٹیوں میں داخلے شروع ہونے کا امکان ہے۔