نیشنل ٹیسٹنگ ایجنسی (این ٹی اے) نے یونیورسٹی گرانٹس کمیشن یوجی سی نیٹ دسمبر-2022 کے لیے رجسٹریشن کی تاریخ 23 جنوری تک بڑھا دی ہے۔ اس سے قبل درخواست دینے کی آخری تاریخ 17 جنوری تھی۔
این ٹی اے نے ہفتہ کو کہا کہ یوجی سی نیٹ دسمبر-2022 کے لئے آن لائن درخواست فارم جمع کرنے کی آخری تاریخ میں توسیع کے لئے امیدواروں سے مختلف نمائندگیاں موصول ہوئی ہیں۔
امیدواروں نے بتایا کہ آخری تاریخ کو ویب سائٹ پر بہت زیادہ رش کی وجہ سے وہ تصویر/دستاویزات اپ لوڈ نہیں کر سکے اور درخواست کی مطلوبہ فیس ادا نہیں کی جا سکی۔
لہذا، این ٹی اے نے جونیئر ریسرچ فیلوشپ (جے آرایف) کے لیے یوجی سی نیٹ دسمبر 2022 کے لیے آن لائن درخواست فارم جمع کرانے کی آخری تاریخ میں توسیع کرنے کا فیصلہ کیا ہے اور اسسٹنٹ پروفیسر (اے پی) کے لیے اہلیت کے حوالے سے 29 دسمبر 2022 کے پبلک نوٹس میں توسیع کی گئی ہے۔
سرکاری نوٹس کے مطابق پہلے درخواست فارم آن لائن جمع کرانے کی آخری تاریخ 29 دسمبر سے 17 جنوری تک تھی۔ اب اسے 21-23 جنوری تک بڑھا دیا گیا ہے۔ قبل ازیں درخواست فیس کے کامیاب فائنل ٹرانزیکشن کی تاریخ 18 جنوری تھی جسے اب بڑھا کر 23 جنوری کر دیا گیا ہے۔
امیدواروں کو مشورہ دیا جاتا ہے کہ وہ آن لائن رجسٹریشن شروع کرنے سے پہلے انفارمیشن بلیٹن کو غور سے پڑھیں اور یوجی سی نیٹ ویب سائٹ https://ugcnet.nta.nic.in/ پر دستیاب آن لائن درخواست فارم کو بھرنے سے متعلق ہدایات پڑھیں۔
