نئی دہلی (21 ؍جون، انڈیا نیرٹیو)

  ڈاکٹرذاکر حسین میموریل سوسائٹی کے تحت جامعہ ملیہ اسلامیہ کے کیمپس میں چلنے والے چائلڈ گائیڈینس سینٹر میں سوسائٹی کی سکریٹری جنرل اورفیکلٹی آف ایجوکیشن کی ڈین پروفیسر سارہ بیگم کی صدارت میں بین الاقوام یوگاڈے منایاگیا۔تقریب میں ڈاکٹرمحمد اسجدانصاری (اسسٹنٹ پراکٹرجامعہ ملیہ اسلامیہ) نے بطورمہمان اعزازی شرکت کی۔

اس موقع پر سب سے پہلے خصوصی زمرے کے بچوں ، ان کے والدین اور سبھی اسٹاف ممبران کویوگاٹرینرجناب محمد نسیم نے یوگاکرایا اور اس کے فوائد سے آگاہ کیا۔سکریٹری جنرل پروفیسر سارہ بیگم نے اپنے صدارتی خطاب میںآج کی پیچیدہ اور تناؤ سے بھری ہوئی زندگی سے دباؤ کو ختم کرنے اور ذہنی وجسمانی صحت کو معمول پر رکھنے میں یوگاکی اہمیت کو سراہا۔انھوں نے کہا کہ یوگا ہماری زندگیوں میں ایک عمدہ طرز زندگی اور ڈسپلین کو فروغ دیتاہے۔

ڈاکٹرمحمداسجدانصاری نے اس موقع پراساتذہ کی کوششوں کو خوب سراہا اورانھیں سماج کا حقیقی معمارقراردیا۔واضح رہے کہ ڈاکٹرذاکر حسین میموریل سوسائٹی ایک خیراتی ادارہ ہے جس کا نظم ونسق جامعہ ملیہ اسلامیہ کے پاس ہے۔ اور جامعہ ملیہ اسلامیہ کی وائس چانسلر پروفسیر سارہ بیگم اس کی روح رواں اور سالارقافلہ ہیں۔

اس سینٹر پر خصوصی زمرے کے بچوں کے لیے مفت ٹریننگ، اسپیچ تھریپی،گائیڈینس، نفسیاتی تشخیص اور دیگرتربیتی پروگرام تربیت یافتہ اساتذہ کے ذریعے چلائے جاتے ہیں۔اس موقع پر چائلڈ گائیڈینس سینٹرکی ڈائرکٹرمحترمہ صبا ایوب نے اس موقع پر موجودسبھی حاضرین کا شکریہ اداکیا اورتقریب کی کامیابی پر طلبا اور ان کے والدین کوششوں کو سراہا۔