ذاکر حسین دلی کالج انٹر یونیورسٹی مقابلوں میں شعبۂ اردو جامعہ ملیہ اسلامیہ کے طلبا نے فتح کا پرچم لہرایا

امیر خسرو رننگ ٹرافی اور بیت بازی مقابلے میں شاندار کارکردگی

(نئی دہلی )ذاکر حسین دلی کالج ایوننگ کے طلبہ و طالبات کی ادبی وثقافتی تنظیم ’’ بزمِ ادب‘‘ کے زیر اہتمام انٹر یونیورسٹی مقابلوں میں شعبۂ اردو جامعہ ملیہ اسلامیہ کے طلبا وطالبات نے فتح کا پرچم لہرایا۔غزل سرائی میں سید تجمل اسلام نے پہلا انعام حاصل کیا اور شعبے کی طالبہ نور فاطمہ تیسرے انعام کے مستحق قرار دی گئی۔

چنانچہ سالِ رواں کی امیر خسرو رننگ ٹرافی شعبۂ اردو جامعہ ملیہ اسلامیہ کے نام ہوگئی ۔بیت بازی مقابلے میں شعبےکے طلبا آصف بلال،زاہد اقبال اور سید تجمل اسلام پر مشتمل ٹیم نے دوسرا انعام حاصل کیا۔

اس نمایاں کارکردگی پر صدر شعبۂ اردو پروفیسر احمدمحفوظ نے خوشی کا اظہار کرتے ہوئے کہا کہ ہمارے طلبہ نے شعبے کا نام روشن کیا ہے۔ایڈوائزر بزمِ جامعہ ڈاکٹر خالد مبشر نے مبارک باد پیش کرتے ہوئے کہا کہ یہ کامیابی شعبہ کی صحت مند اور سرگرم ادبی وثقافتی فضاکی غمازہے۔ طلبا کےاس شاندار مظاہرے پر شعبےکے تمام اساتذہ نے حوصلہ افزائی کی ۔