فلم’’ذرا ہٹکے ذرا بچکے‘‘کی کمائی میں زبردست اضافہ

وکی کوشل اور سارہ علی خان کی فلم ذرا ہٹکے ذرا بچکے باکس آفس پر اچھی کارکردگی کا مظاہرہ کر رہی ہے۔ فلم 2 جون کو سینما گھروں میں ریلیز ہوئی۔ فلم نے پہلے دن 5 کروڑ روپے کمائے ۔ اسے شائقین کی جانب سے اچھا رسپانس مل رہا ہے۔ فلم کی ویک اینڈ کی کمائی میں اضافہ ہوا ہے۔

فلم ’ذرا ہٹکے ذرا بچکے  میں ‘پہلی بار وکی کوشل اور سارہ علی خان ایک ساتھ اسکرین پرنظر آ رہے ہیں۔ دونوں کے درمیان کی کیمسٹری کو شائقین نے خوب پسند کیا ہے، ایسے میں فلم دیکھنے کے لیے شائقین کا رش ہے۔’ذرا ہٹکے ذرا بچکے‘ نے اپنے پہلے دن 5.49 کروڑ روپے کمائے۔ ہفتے کے آخر میں آمدنی میں اضافہ ہوا ہے۔ فلم نے ہفتہ کو 7.25 کروڑ روپے کا بزنس کیا۔ اب اتوار کے اعداد و شمار بھی سامنے آ گئے ہیں۔

’’سیکنلک‘‘ کی ابتدائی تجارتی رپورٹ کے مطابق،’ذرا ہٹکے ذرا بچکے‘ نے اپنے تیسرے دن یعنی اتوار کو 9 کروڑ روپے کا کلیکشن کیا ہے ۔ فلم کا اوپننگ ویک اینڈ کلیکشن اب 21.69 کروڑ روپے ہے۔ صرف 40 کروڑ روپے کے بجٹ میں بننے والی یہ فلم تین دنوں میں 21 کروڑ روپے کمانے میں کامیاب  رہی ہے۔ ایسے میں یہ قیاس  لگایا جا رہا ہے کہ فلم اس ہفتے باکس آفس پر اوسط کمائی کر سکتی ہے۔