جنپریہ بنگلہ ٹیلی کی اداکارہ پلوی دے کی غیر فطری موت کے معاملے میں نیا موڑ آ گیا ہے۔ اب اس میں پلوی کے لیو ان پارٹنر ساگنک کی دوسری گرل فرینڈ کا نام بھی سامنے آ رہا ہے۔ اس کا نام اندریلا مکھرجی ہے۔ وہ اصل میں جگاچھا، ہاوڑہ کی رہنے والی ہے۔
الزام ہے کہ پلوی کی غیر موجودگی میں اندریلا اس کے فلیٹ پر جا کر ساگنک کے ساتھ وقت گزارتی تھی۔ الزام ہے کہ ساگنک نے پلوی کا قتل صرف اندریلا کے ساتھ رہنے کے لیے کیا۔ اداکارہ کے والد نے ساگنک اور اندریلا کے خلاف ایف آئی آر درج کرائی ہے جس کے بعد پولیس نے قتل کی دفعہ لگائی ہے۔
اندریلا منگل کے روز اس بارے میں میڈیا کے سامنے آئیں۔ انہوں نے بتایا ہے کہ وہ کبھی پلوی کے فلیٹ پر نہیں گئیں اور نہ ہی اس کا ساگنک سے کوئی تعلق ہے۔ انہوں نے بتایا ہے کہ ساگنک سے ان کا تعارف پلوی کے ذریعے ہی ہوا تھا اور یہ تینوں ایک پارٹی میں اچانک ملے تھے۔ یہاں پلوی کے والد نے الزام لگایا ہے کہ اداکارہ کی موت کے بعد اندر یلا بھی ایم آر بانگور اسپتال گئی تھیں۔ اس پر وضاحت دیتے ہوئے انہوں نے کہا ہے کہ پلوی کے ساتھ دوستی تھی اور اسی وجہ سے میں اس کی موت کے بعد اس کے اہل خانہ کے ساتھ اسپتال گئی تھی۔ اندریلا نے کہا ہے کہ وہ تحقیقات میں پولیس کے ساتھ ہر طرح سے تعاون کریں گی۔
ساگنک اور پلوی کے درمیان تعلقات کیسے تھے، پیسوں کے لین دین کے حوالے سے ان کے درمیان کچھ ہوا تھایا نہیں، اس کے بارے میں انہیں کچھ معلوم نہیں ہے۔ اداکارہ نے انہیں صرف یہ بتایا تھاکہ ان دونوں کا لیوان بہت اچھا چل رہا ہے اور وہ جلد ہی شادی کرنے والے ہیں۔
