اداکارہ سشمیتا سین حال ہی میں دل کا دورہ پڑنے سے صحتیاب ہوئی ہیں۔ وہ حال ہی میں ‘آریہ-3’ کی شوٹنگ کے لیے جے پور پہنچی اور اپنی ویب سیریز کی شوٹنگ شروع کی۔ سشمیتا سین کو راجستھان میں شوٹنگ کے دوران دل کا دورہ پڑا تھا۔ اس کے بعد اس سیریز کی شوٹنگ روک دی گئی۔ اس کے بعد ان کی انجیو پلاسٹی کی گئی۔

اب صحت یاب ہونے کے بعد، سشمیتا سین ‘آریہ-3’ کے سیٹ پر واپس آگئی ہیں۔ اس سے قبل انہوں نے اپنے مداحوں سے لائیو چیٹ پر بھی بات کی تھی۔ شوٹنگ پر واپس آتے ہوئے وہ کہتی ہیں کہ وہ کافی بہتر محسوس کر رہی ہیں۔ سشمیتا سین نے بتایا کہ انہوں نے کافی ورزش اور صحت یابی کے بعد شوٹنگ شروع کی۔ انہوں نے اپنے مداحوں کا شکریہ بھی ادا کیا۔

سشمیتا سین نے کہا کہ مجھے آپ کی محبت کی ضرورت ہے جس سے مجھے ہمت اور توانائی ملتی ہے ۔اس سے قبل اپنی صحت سے متعلق معلومات دیتے ہوئے اداکارہ نے مداحوں سے فٹ رہنے کی اپیل بھی کی تھی۔ سشمیتا سین نے کہا تھا کہ میں بہت سے لوگوں کو جانتی ہوں جو جم جانا چھوڑ دیں گے اور کہیں گے کہ ہم اب ٹھیک ہیں لیکن یہ سچ نہیں ہے۔ میں ایک بڑے ہارٹ اٹیک  سے بچی ہوں۔