کانز فلم فیسٹیول 2023 شروع ہو گیا ہے۔ اس میں کئی اداکار ریڈ کارپٹ پر نظر آئے۔   اور انہوں نے اپنی فیشن سینس کا بھی مظاہرہ کیا۔ خوبصورتی کی دنیا ایشوریہ رائے بچن بھی کانز کے ریڈ کارپٹ پر پہنچ گئیں۔ مداح ان کے لْک کو لے کر بے حد متجسس تھے اور جب ایشوریا ریڈ کارپٹ پر انٹری دیں تو مداحوں کے ہوش اْڑ گئے۔ کیونکہ ایشوریہ کا یہ روپ نیٹیزنز اور مداحوں کو ہضم نہیں ہو سکا۔

اس سال کانز فلم فیسٹیول میں بھارت سے کئی مشہور شخصیات شرکت کر رہی ہیں۔ ایشا گپتا، سارہ علی خان، مرونال ٹھاکر، مانوشی چھلر، اروشی روتیلا نے ریڈ کارپٹ پر انٹری دی۔ ان کے انداز کو خوب پسند کیا گیا۔ اس بار انوشکا شرما بھی کانز میں ڈیبیو کرنے کے لیے تیار ہیں۔ جبکہ سب کو   ایشوریا رائے کے روپ کا انتظار تھا۔ وہ لمحہ آیا جب ایشوریہ ریڈ کارپٹ میں داخل ہوئیں۔ انہوںنے سیاہ لباس اور چاندی کی بڑی ہوڈی پہن رکھی تھی۔ اس میں ایشوریہ کو چہل قدمی کرتے ہوئے بھی سخت محنت کرنی پڑی۔ اس کے علاوہ بہت سے لوگوں کو ایشوریہ  کا ہیئر اسٹائل پسند نہیں آیا۔ فی الحال ان کا یہ ویڈیو وائرل ہو رہا ہے۔

ایشوریہ کی اس ویڈیو کو دیکھ کر نیٹیزنز نے انہیں ٹرول کرنا شروع کر دیا ہے۔ نیٹیزنز نے انہیں تنقید کا نشانہ بناتے ہوئے کہا کہ “انہوں نے کتنا برا لباس پہنا ہوا ہے”، “وہ اس لباس میں ہل بھی نہیں سکتیں”، “ایشوریہ کو اپنا اسٹائلسٹ بدلنا چاہیے”۔ ایشوریا کو اس سے قبل بھی ان کے کانز لک کے لیے ٹرول کیا گیا تھا۔