اجے دیوگن فلم ’بھولا‘ کی تشہیر میں محو

اجے دیوگن فلم ’بھولا‘ کی بھرپور تشہیر کرتے نظر آ رہے ہیں

بالی ووڈ اداکار اجے دیوگن گزشتہ کچھ دنوں سے اپنی آنے والی فلم ‘بھولا’ کو لے کر سرخیوں میں ہیں۔ وہ اس فلم کی بھرپور تشہیر کرتے نظر آ رہے ہیں۔ اجے دیوگن کی فلم کا مداحوں میں زبردست کریز ہے۔

چند روز قبل اجے دیوگن نے سوشل میڈیا پر اپنے مداحوں کے لیے ایک خصوصی سیشن کا اہتمام کیا۔ اس سیشن میں اجے دیوگن اپنے مداحوں کے سوالوں کے جواب دیتے نظر آئے۔

 مداحوں نے اجے دیوگن پر سوالات کی بارش بھی کی۔ یہاں تک کہ ایک مداح نے اجے دیوگن سے براہ راست شاہ رخ خان کے بارے میں پوچھا۔ فلم بھولا کی ہدایات خود اجے دیوگن نے دی ہیں۔

اجے دیوگن کی ‘بھولا’ چوتھی فلم ہے، جسے انہوں نے خود ڈائریکٹ کیا ہے۔ اب دیکھنا یہ ہے کہ اجے دیوگن کی ‘بھولا’ باکس آفس پر کتنا مقابلہ کرتی ہے۔ ‘یو می اور ہم’ اور ‘رن وے 34’ کو بھی اجے دیوگن نے ہی ڈائریکٹ کیا تھا۔

 تاہم یہ دونوں فلمیں فلاپ ہوئیں۔ اجے دیوگن کی ہدایت کاری میں بننے والی صرف ‘شیواے’ ہی اچھا کام کرنے میں کامیاب رہی۔ اب دیکھنا یہ ہوگا کہ فلم ’بھولا‘ کونسا ریکارڈ توڑ سکتی ہے۔ اجے دیوگن کی فلم ’بھولا‘ 30 مارچ کو مداحوں کے درمیان آرہی ہے۔