دنیا بھر سے کئی فنکاروں کو تفریحی دنیا کی اہم ایوارڈ تقریب ’میٹ گالا‘ میں شرکت کرتے دیکھا گیا ہے۔ یہ فیشن شو ہر سال منعقد کیا جاتا ہے۔ ایوارڈ تقریب میں بالی ووڈ اداکارہ عالیہ بھٹ نے بھی شرکت کی اور ان کے لباس نے سب کی توجہ اپنی جانب کھینچ لی۔

اس تقریب میں نک جونس کے ساتھ بالی ووڈ اداکارہ پرینکا چوپڑا نے بھی شرکت کی۔ دیپیکا پادوکون نے بھی میٹ گالا میں شرکت کی۔ اداکارہ عالیہ بھٹ کو میٹ گالا ایونٹ 2023 کے ریڈ کارپٹ پر پہلی بار اپنی خوبصورتی کی جھلک دکھاتے ہوئے دیکھا گیا ہے۔

عالیہ سفید گاؤن میں پری لگ رہی تھیں۔ اس سال کے میٹ گالا ایوارڈز کی تقریب نیویارک ، امریکہ کے میٹروپولیٹن میوزیم آف آرٹ میں منعقد ہوئی۔ تقریب ہندوستانی وقت کے مطابق 2 مئی کو شروع ہوئی۔ ووگ نے میٹ گالا لائیو اسٹریم کی میزبانی کی۔

میٹ گالا ریڈ کارپٹ پر دنیا کی سب سے بڑی مشہور شخصیات اپنے شاندار فیشن اور ملبوسات کے ساتھ جلوہ گر ہوئیں۔ شو میں مشہور شخصیات کے لیے ڈیزائنرز کے آف بیٹ فیشن اور ڈریسنگ سینس کی نمائش کی گئی ہے۔

اس بار بھی اس ریڈ کارپٹ پر بالی ووڈ کی کئی مشہور شخصیات نظر آئیں۔ اداکارہ عالیہ بھٹ نے پہلی بار میٹ گالا 2023 میں شرکت کی۔ عالیہ نے اپنا گالا ڈیبیو ڈیزائنر پربل گرونگ کی تخلیق کو پہن کر کیا۔