سوشل میڈیا پر عالیہ بھٹ کی بچپن کی تصویر وائر
بالی ووڈ کی چلبلی اداکارہ عالیہ بھٹ نے سوشل میڈیا پر دو تصاویر شیئر کیں جن میں سے ایک ان کے بچپن کی ہے اور دوسری حالیہ دنوں کی۔ دونوں تصاویر میں عالیہ کا انداز دیکھنے کے لائق ہے۔
عالیہ کی یہ تصاویر سوشل میڈیا پر وائرل ہو رہی ہیں۔ عالیہ ان دونوں تصویروں میں بہت ہی پیاری لگ رہی ہیں۔ عالیہ کی ان تصاویر کو پسند کرنے کے ساتھ ہی شائقین اس پرخوب رد عمل کا بھی اظہار کررہے ہیں۔ عالیہ بھٹ نے بہت کم عمری میں بالی ووڈ میں اپنا خاص مقام بنا لیا ہے اور وہ اپنی اداکاری کی صلاحیتوں کے زور پر بالی ووڈ کی ٹاپ اداکاراؤں میں شامل ہوگئی ہیں۔ عالیہ اپنی اداکاری کے علاوہ اداکار رنبیر کپور کے ساتھ اپنے رشتوں کے بارے میں بھی اکثر زیر بحث رہتی ہیں۔
کچھ عرصہ قبل عالیہ بھٹ کو کورونا کی بیماری ہوگئی تھی ، لیکن جلد ہی انہوں نے اسے بھی شکست دے دی۔ کورونا سے صحت یاب ہونے کے بعد عالیہ اس وبا سے دوچار ضرورت مندوں کی مدد بھی کررہی ہے۔ وہیں عالیہ کے ورک فرنٹ کی اگر بات کریں تو جلد ہی ایان مکھر جی کی فلم ’برہماستر‘ میں رنبیر کپور اور امیتابھ بچن کے ساتھ لیڈ رول میں نظر آئیں گی۔ اس کے علاوہ وہ ایس ایس راجمولی کی فلم ’آر ایس ایس‘ اور سنجے لیلا بھنسالی کی فلم ’گنگوبائی کاٹھی واڑا‘ میں بھی اہم رول میں نظر آئیں گی۔
