Urdu News

عالیہ نے ‘برہماسترا’ کے پرموشن پر اپنے لباس سے سب کی توجہ حاصل کی

عالیہ نے 'برہماسترا' کے پرموشن پر اپنے لباس سے سب کی توجہ حاصل کی

رنبیر کپور اور عالیہ بھٹ ان دنوں اپنی آنے والی فلم ‘برہماسترا’ کے پرموشن  میں مصروف ہیں۔ دونوں اس فلم کی پروموشن زوروشور سے کر رہے ہیں۔ اس دوران حال ہی میں دونوں فلم کی پروموشن کے لیے حیدرآباد پہنچے، جہاں حاملہ عالیہ نے اپنے آوٹ فٹ کی وجہ سے سب کی توجہ اپنی جانب مبذول کی۔

سوشل میڈیا پر وائرل ہونے والی تصاویر میں عالیہ گلابی رنگ کی کرتی اور شرارہ میں نظر آ۔ رہی ہیں، اس کے ساتھ انہوں نے نہایت خوبصورتی کے ساتھ میچنگ ڈوپٹہ بھی اوڑھا ہوا ہے۔ عالیہ کا چہرہ پریگننسی گلو سے مزید روشن نظر آرہا ہے۔

اس وقت یہاں سب سے دلچسپ بات یہ ہے کہ عالیہ کے پورے لباس کو غور سے دیکھا جائے تو کئی جگہوں پر کڑھائی کے ساتھ گولڈن گوٹ سے لو لکھا ہوا نظر آرہاہے۔

اس کے ساتھ سب سے اہم بات یہ ہے کہ ان کی پیٹھ پر لکھا ہوا ہے – بیبی آن بورڈ۔ اداکارہ اپنے آوٹ فٹ پر لکھے بیبی آن بورڈ کو فلانٹ کرتی ہوئی بھی نظر آرہی ہیں۔ اس دوران رنبیر کپور کے چہرے پر خوشی دیکھنے کے لائق تھی۔ اس دوران ناگارجن سمیت مونی رائے، کرن جوہر اور ایس ایس راجامولی بھی موجود تھے۔

اس دوران کی پوری ویڈیو سوشل میڈیا پر تیزی سے وائرل ہو رہی ہے۔ تاہم سیکورٹی وجوہات کی بنا پر اس میگا ایونٹ کو منسوخ کرنا پڑا جس سے شائقین میں کچھ ناراضگی بھی ہے۔

اہم بات یہ ہے کہ ایان مکھرجی کی ہدایت کاری میں بنی فلم ‘برہماسترا’ کافی عرصے سے خبروں میں ہے۔ فلم میں امیتابھ بچن، رنبیر کپور اورعالیہ بھٹ نے مرکزی کردار ادا کیے ہیں۔ ان تینوں اداکاروں کے علاوہ فلم میں ناگارجن، ڈمپل کپاڈیہ اور مونی رائے بھی اہم کرداروں میں نظر آئیں گے۔

‘برہماسترا’ کو کرن جوہر، رنبیر کپور، اپوروا مہتا اور نمت مکھرجی نے مشترکہ طور پر پروڈیوس کیا ہے۔ یہ پانچ زبانوں ہندی، تمل، تیلگو، ملیالم اور کنڑ میں 9 ستمبر 2022 کو ریلیز ہوگی۔

Recommended