اننیا پانڈے اور شنایا کپور نے بیسٹ فرینڈ سہانا خان کو خاص انداز میں دی یوم پیدائش کی مبارک باد 

بالی ووڈ کے کنگ خان یعنی شاہ رخ خان اور گوری خان کی بیٹی سوہانا خان آج 21 سال کی ہوگئیں۔ اس خصوصی موقع پر ، ان کی بہترین دوست اور اداکارہ اننیا پانڈے اور شنایا کپور نے سوہانا کو خصوصی سالگرہ کی مبارک باد دی ہے۔ اننیا پانڈے نے بھی اپنے انسٹاگرام اسٹوری پر سوہانا اور شنایا کی بچپن کی تصاویر شیئر کرکے سالگرہ کی مبارک باد کاپیغام شیئر کیا ہے ۔

دوسری جانب بالی ووڈ میں ڈیبیو کرنے کے لیے تیار شنایا کپور نے انسٹاگرام پر ایک تھرو بیک ویڈیو شیئر کی ہے ، جس میں وہ ، سوہانا اور اننیا شاہ رخ خان کی فلم کے گانوں پر رقص کرتی نظر آئیں۔ اس ویڈیو کو شائع کرتے ہوئے ، شنایا نے لکھا ، 'سالگرہ مبارک ہو پیاری۔ ہم ہمیشہ اس طرح رقص کریں گے۔

سوہانا ، شنایا اور اننیا کی یہ ویڈیو سوشل میڈیا پر وائرل ہو رہی ہے۔ بالی ووڈ میں اداکار سنجے کپور کی بیٹی شنایا ، شاہ رخ خان کی بیٹی سوہانااور چنکی پانڈے کی بیٹی اننیا کی دوستی کافی مشہور ہے۔ تینوں اکثر ایک دوسرے کی تصاویر سوشل میڈیا پر شیئر کرتی ہیں۔ اس کے علاوہ ، تینوں کئی مواقع پر ایک ساتھ نظر آتی ہیں۔ شاہ رخ خان اور گوری خان کی بیٹی سوہانا 21 مئی 2000 کو پیدا ہوئیں۔

سوہانا اس وقت نیو یارک میں ہیں اور فلم میکنگ کی تعلیم حاصل کررہی ہیں۔ سوہانا کے لاکھوں مداح ہیں اور وہ اکثر اپنے فیشن سینس کے بارے میں خبروں میں رہتی ہیں۔ جہاں ان کی سہیلی اننیا نے بالی ووڈ میں اپنی شناخت بنالی ہے ، وہیں شنایا جلد ہی بالی ووڈ میں قدم رکھنے جارہی ہیں۔