ستیش کوشک کو یاد کر کے انوپم کھیر جذباتی ہو گئے

 ہدایت کار، پروڈیوسر اور اداکار ستیش کوشک کے انتقال پرتفریحی برادری  سوگوار ہے۔ یہ ان کے قریبی دوست اداکار انوپم کھیر کے لیے ایک بڑا دھچکا ہے۔ کھیر نے حال ہی میں سوشل میڈیا پر ایک ویڈیو شیئر کی ہے۔ انوپم کھیر نے اس ویڈیو میں اپنے جذبات کا اظہار کیا۔ اپنی زبردست اداکاری سے سب کا دل جیتنے والے ستیش کوشک کا 9 مارچ کو دل کا دورہ پڑنے سے انتقال ہوگیا۔

ستیش کوشک کی اچانک موت نے سب کو چونکا دیا ہے۔ انوپم کھیر اور ستیش کوشک کی دوستی 45 سال پرانی تھی۔ دونوں این ایس ڈی میں ایک ساتھ تھے اور بعد میں ایک ساتھ اپنے کیریئر کا آغاز کیا۔ کھیر اور کوشک ہر رات 8 یا 8:30 بجے ایک دوسرے کو فون کرتے تھے۔

انوپم کھیر نے اپنے انسٹاگرام اکاونٹ پر ایک ویڈیو شیئر کرکے اپنے رشتے کے بارے میں بات کی ہے۔ ان کی یہ ویڈیو مداحوں کو بھی جذباتی کر رہی ہے۔ انوپم کھیر نے ویڈیو کے کیپشن میں لکھا – زندگی کو آگے بڑھاناپڑتی ہے…. میں زندگی کے ساتھ آگے بڑھ رہا ہوں میرے دوست…. آپ ہمیشہ میری زندگی کا ایک اہم حصہ رہیں گے۔