سونم کپور کو ملک پہنچتے ہی اپنے شوہر کی یا د آئی

بالی ووڈ کی موسٹ اسٹائلسٹ اداکارہ سونم کپور حال ہی میں بیرون ملک سے ہندوستان واپس آئی  ہیں۔ ان کے والد اور اداکار انیل کپور ایئرپورٹ پر ان کا استقبال کرنے آئے تھے، جسے دیکھ کر وہ جذباتی ہوگئیں۔ وہیں اب سونم کپور بھی اپنے شوہر آنند آہوجا کو یہاں یاد کرنے لگی ہیں اور انہوں نے اپنے آفیشل انسٹاگرام پر اپنے شوہر کے ساتھ اپنی دو تصاویر شیئر کرکے اپنے پیار کا اظہار کیا ہے۔ سونم کپور کی اس پوسٹ کو سوشل میڈیا پر بے حد پسند کیا جارہا ہے۔ اسی کے ساتھ  ہی ان کے  مداحوں کے علاوہ ان کے شوہر نے بھی سونم کی اس پوسٹ پر اپنا ردعمل دیا ہے۔ آنند نے سونم کی پوسٹ پر  تبصرہ کیا ہے کہ وہ بھی ان سے دوبارہ ملنے کے لئے بے صبری سے انتظار کر رہے ہیں۔

اداکارہ سونم کپور اور بزنس مین آنند اے آہوجا کی ملاقات ایک مشترکہ دوست کے ذریعے 2014 میں ہوئی تھی، جس کے بعد دونوں کی دوستی ہوگئی۔ پھر یہ دوستی محبت میں بدل گئی اور دونوں نے شادی کرنے کا فیصلہ کیا۔ اس کے بعد  دونوں نے 8 مئی 2018 کو کنبہ کی رضامندی سے ازدواجی زندگی میں بندھ گئے۔ سونم اور آنند بالی ووڈ کے سب سے خوبصورت جوڑے میں سے ایک ہیں۔ دونوں اکثر ایک دوسرے کی تصاویر سوشل میڈیا پر شیئر کرتے ہیں۔