آیوشمان کھرانہ کی’ ڈریم گرل 2′ اب اگلے سال 7 جولائی کو ہوگی ریلیز

’ڈریم گرل‘ کی شاندار کامیابی کے بعد آیوشمان کھرانہ کی فلم ’ڈریم گرل 2‘ کے میکرز نے ایک بار پھر فلم کی ریلیز کی تاریخ تبدیل کرنے کا فیصلہ کیا ہے۔ بدھ کو سوشل میڈیا پر جانکاری دیتے ہوئے میکرز نے بتایا کہ کچھ وجوہات کی بنا پر فلم کی ریلیز کی تاریخ میں تبدیلی کی گئی ہے۔

رپورٹ کے مطابق’ ڈریم گرل 2‘ اب اگلے سال 7 جولائی کو سینما گھروں کی زینت بنے گی۔ حالانکہ اس کی ریلیز کی تاریخ پہلے بھی تبدیل کر دی گئی ہے۔ پھر اسے 29 جون سے 23 جون کر دیا گیا۔ڈریم گرل کے پہلے حصے کی بات کریں تو نصرت بھروچا آیوشمان کے ساتھ مرکزی کردار میں تھیں لیکن ڈریم گرل 2 میں اننیا پانڈے نے نصرت کی جگہ لی ہے۔ ان دونوں کے علاوہ فلم میں انو کپور ، پریش راول، وجے راج ، راجپال یادو ، اسرانی ، منوج جوشی ، سیما پاہوا ، منجوت سنگھ ، ابھیشیک بنرجی بھی اہم کرداروں میں نظر آئیں گے۔ فلم کی ہدایت کاری راج شانڈیلیا کررہے ہیں۔ اسے ایکتا کپور پروڈیوس کررہی ہیں۔

کام کی بات کریں’ ڈریم گرل 2‘ کے علاوہ ، آیوشمان کھرانہ اس وقت انیرودھ ایر کی ہدایت کاری میں بننے والی فلم ’این ایکشن ہیرو ‘ کی تشہیر میں مصروف ہیں۔ یہ فلم اگلے ماہ ریلیز ہونے جا رہی ہے۔ ’ این ایکشن ہیرو‘ کے علاوہ آیوشمان جلد ہی ایک ہارر کامیڈی فلم میں نظر آئیں گے۔