بگ باس 16: شالین بھنوٹ کے ساتھ اپنے رشتے کو لے کر ٹینا نے کیا کہا؟

کلرز ٹی وی پر نشر ہونے والا مشہور رئیلٹی شو بگ باس 16 ان دنوں خبروں میں ہے۔ سلمان خان اس شو کو ہوسٹ کر رہے ہیں اور اس شو کو ناظرین میں کافی پسند کیا جا رہا ہے۔ حال ہی میں اس شو کے کنٹسٹنٹشالین بھنوٹ اور ٹینا دتہ کی کیمسٹری دیکھ کر مداح یہ قیاس کررہے تھے کہ دونوں اپنے رشتے کو لے کر سنجیدہ ہیں اور ان کا رشتہ دوستی سے بڑھ کر ہے۔ شو میں شالین کو ٹینا کے سامنے اپنے جذبات کا اظہار کرتے ہوئے بھی دیکھا گیالیکن اب شو کا ایک تازہ ترین پرومو سامنے آیا ہے، جسے دیکھ کر ہر کوئی حیران رہ گیا ہے۔

شو کے تازہ ترین پرومو میں ٹینا دتہ سلمان خان سے کہتی ہیں، ’میں یہاں بہت تنہا محسوس کرتی ہوں، میںبانڈبنانے کی کوشش کرتی ہوں، لیکن کچھ تو خامیاں ہیں، کوئی مجھ سے بات نہیں کرتا‘۔

ٹینا دتہ نے شالین کے ساتھ اپنے تعلقات کو لے کر بھی بڑا بیان دیا۔ اس پرومو میں ٹینا کہہ رہی ہیں،”شالین کے ساتھ میری دوستی ہے ، مجھے نہیں معلوم کہ باہر کیا نظر آتا ہے اور کیا نہیں؟“ ۔وہیں جب کہ سلمان ٹینا سے کہتے ہیں کہ تم دونوں کے درمیان دوستی جیساباہر نظر نہیں آ رہا اور تم نے شالین سے آئی لو یو بھی تو بولا ہے ۔ تو ٹینا کہتی ہیں”میں نے شالین کو صرف دوست ہونے کے ناطے آئی لویو بولا ہے ، اسے اچھی طرح جانتی بھی نہیں ہوں سر“۔

شو کے اس پرومو کے منظر عام پر آنے کے بعد یہ بات واضح ہو گئی ہے کہ ٹینا شالین کے ساتھ اپنے تعلقات کو لے کر سنجیدہ نہیں ہیں جب کہ اس پرومو کے منظر عام پر آنے کے بعد ٹینا ٹرولز کے نشانے پر آگئی ہیں۔