یوم پیدائش پر خاص: کرن جوہر کا فلم سازی کا سفر لاجواب

بالی ووڈ کے مشہور فلمساز کرن جوہر 25 مئی 1972 کو پیدا ہوئے۔ کرن فلم ساز یش جوہر اور ہیرو جوہر کے بیٹے ہیں۔ والد کی موت کے بعد ، کرن نے دھرماپروڈکشن کو آگے بڑھایا۔ کرن کی زندگی اپنے والد سے بہت متاثر ہے۔ اپنے والد کے نقش قدم پر چلتے ہی کرن نے اپنے کیریئر میں فلم سازی کا انتخاب کیا۔ آج کرن جوہر فلمی دنیا کی ایک معروف اورباصلاحیت شخصیت ہیں۔ کرن نے اپنے کیریئر کا آغاز 1989 میں دوردرشنپر نشر ہونے والے سیریل’اندر دھنش‘ میں اداکاری کے ساتھ کیا تھا۔

اس سیریل میں انہوں نے سریکانت کا کردار نبھایا تھا۔ اس کے بعد ، کرن نے بالی ووڈ میں قدم رکھا۔ 1995 میں ریلیز ہونے والی فلم’دل والے دلہنیا لے جائیں گے سے بالی ووڈ میں ڈیبیو کیا۔ اس فلم میں ، انہیں پہلی بار اسسٹنٹ ہدایتکار کی حیثیت سے کام کرنے کا موقع ملا۔

 اس کے ساتھ انہوں نے اس فلم میں ایک چھوٹا سا کردار بھی ادا کیا۔ اس کے بعد ، کرن کو کئی فلموں میں اداکاری کرتے ہوئے دیکھا گیا جن میں فیشن ، لک بائی چانس ، ہنسیتوپھنسی، بمبئی ویلویٹ وغیرہ شامل ہیں۔

کرن نے اپنی ہدایتکاری کی شروعات سن 1998 میں ریلیز ہونے والی فلم ’کچھ کچھ ہوتا ہے‘ سے کی تھی۔ بطور ہدایت کار کرن کی یہ پہلی فلم تھی۔ فلم میں شاہ رخ خان ، رانی مکھرجی اور کاجول نے مرکزی کردار ادا کیا تھا۔ اس فلم کو ناظرین نے خوب پذیرائی دی تھی اور باکس آفس پر سپر ہٹ رہی تھی۔ اس کے ساتھ ہی فلم نے آٹھ فلم فیئر ایوارڈ بھی جیتے۔

 اس فلم کی کامیابی کرن کو بڑی بلندی پر لےگئی۔ اس کے بعد ، کرن نے کئی کامیاب فلموں کی ہدایت کاری کی ، جن میں کبھی خوشی کبھی غم ، کبھی الوداع نہ کہنا ،مائی نیم از خان ،اسٹوڈنٹ آف دی ائیر ، لسٹ اسٹوریز وغیرہ شامل ہیں۔