بالی ووڈ کی مشہور شخصیات نے مداحوں کو دی عید کی مبارک باد 

کورونا کی وبا کے درمیان آج پورے ملک میں عید کا تہوار جوش و خروش کے ساتھ منایا جا رہا ہے ۔ اس خصوصی موقع پر بالی ووڈ کی مشہور شخصیات نے مداحوں کو سوشل میڈیا کے ذریعے خصوصی انداز میں عید کی مبارکباد دی۔ سپر اسٹار اکشے کمار نے ٹویٹ کیا اور لکھا ، 'سب کو عید مبارک۔ خدا سب کو اچھی صحت ، سلامتی عطا کرے اور دنیا کے تمام لوگوں کی پریشانیوں کو کم کرے۔'

بھومی پیڈنیکر نے ٹویٹ کرکے لکھا ہے – 'عید مبارک۔ آج کا پلان شیر خورمہ کھانے اور ڈھیر ساری پوزیٹیویٹی ،انرجی اور طاقت کے ساتھ آگے بڑھنے کا ہے ۔ میں اپنی ایدی اور بچپن کا اکسائٹمنٹ مس کر رہی ہوں ۔

فلمساز سبھاش گھئی نے لکھا- 'اتحاد ، امن ، ہندوستان کی فلاح و بہبود اور پوری دنیا کے لوگوں کی اچھی صحت کے لئے عید مبارک۔ ڈھیر سارے پیار کے ساتھ ،خوش رہیئے محفوظ رہیئے ۔'

انل کپور نے لکھا – 'ان لوگوں کے لئے جو دعا کر رہے ہیں اور جو اب اب دعا نہیں کر سکتے

 ۔ ان لوگوں کے لئے ، جنھیں اس مشکل وقت میں زیادہ دعاؤں کی ضرورت ہے۔ ان لوگوں کے لئے جن کےلیے دعا مانگنے کے لیے کوئی باقی نہیں بچا ہے۔ اس عید ، ہم کرتے ہیں آپ سب کے لیے ۔

سشمتا سین نے لکھا – 'عید مبارک۔ روزے کے دوران اپنی دعاؤں میں ہمیں یاد رکھنے کے لے بہت بہت شکریہ ،زکوة کے ذریعہ اس مشکل وقت میں انسانیت کی مدد کرنے کے لیے شکریہ۔ خدا کرے کہ یہ پاک دن ہمیں بہتر دنوں میں لے جائے اور اچھی صحت اور سکون سے بھر دے ۔

ان سب کے علاوہ ، آر مادھون ، امیتابھ بچن ، سنیل شیٹی ، دیا مرزا سمیت بالی ووڈ کی کئی مشہور شخصیات نے مداحوں کو عید کی مبارک باد دی ہے۔