آج ہر  شخص جوش و خروش سے نئے سال کا استقبال کر رہا ہے۔ اس کے ساتھ ہی اس موقع پر اس سال بالی ووڈ کی کئی مشہور شخصیات اپنے  پارٹنر کے ساتھ  پوری طرح محبت میں گرفتار نظر آئیں۔

پرینکا چوپڑا

ان میں سب سے پہلا نام بالی ووڈ کی دیسی گرل پرینکا چوپڑا کا ہے۔ نئے سال کے موقع پر پرینکا چوپڑا اپنے شوہر نک جونس کے ساتھ محبت کے رنگ میں نظر آئیں۔ نک جونس نے اپنے آفیشل انسٹاگرام پر ایک تصویر شیئر کی ہے جس میں وہ پی سی نک کے گالوں کو چومتے نظر آ رہے ہیں۔ نئے سال پر اس تصویر کو شیئر کرتے ہوئے نک جونس نے لکھا 'مائی فارایور نیو ایئر کس'۔

سونم کپور

فلم اداکارہ سونم کپور نے بھی سال 2021 کو انتہائی شاندار انداز میں الوداع کہا اور شوہر آنند آہوجا کے ساتھ نئے سال 2022 کا استقبال انتہائی رومانوی انداز میں کیا۔ سونم نے اپنے آفیشل انسٹاگرام پر کچھ تصاویر شیئر کی ہیں جن میں وہ آنند آہوجا کے ساتھ رومانوی انداز میں نظر آ رہی ہیں۔ ان میں سے ایک تصویر میں سونم اور آنند ایک دوسرے کو لپ لاک بھی کر رہے ہیں۔

کاجل اگروال

سنگھم گرل کاجل اگروال بھی نئے سال کے موقع پر اپنے شوہر گوتم کچلو کے ساتھ محبت کے رنگ میں ڈوبی ہوئی نظر آئیں۔ سوشل میڈیا پر ایک خوبصورت تصویر شیئر کرتے ہوئے انہوں نے سب کو نئے سال کی مبارکباد دی۔ان سب کے علاوہ رنویر سنگھ دیپیکاپادوکون، عالیہ بھٹ۔رنبیر کپور سمیت کئی ستارے رومانوی انداز میں نظر آئے۔