تفریحی دنیا کی مشہور شخصیات نے شائقین کو  دی عید الاضحی کی مبارک باد

بدھ کے روز پورے ملک میں عید الاضحی کا تہوار جوش و خروش کے ساتھ منایا جا رہا ہے۔ اس موقع پر مساجد میں خصوصی دعائیں کی گئیں اور ایک دوسرے کو عید مبارک دی گئی۔ اسی کے ساتھ ساتھ تفریحی دنیا کی مشہور شخصیات نے بھی سوشل میڈیا کے ذریعے مداحوں کو اس خصوصی دن کی مبارکباد دی ہے۔ بالی ووڈ میگا اسٹار امیتابھ بچن نے ٹویٹر کے ذریعے مداحوں کو مبارکباد پیش کرتے ہوئے لکھا – عید الاضحی مبارک!

اداکارہ مادھوری دکشت نے بھی ٹویٹ کیا اور لکھا کہ 'اللہ کی   نعمتیں آپ کو امید، ایمان اور خوشی عطا کرے۔ عید الاضحی مبارک ہو۔'

اداکارہ راکل پریت نے ٹویٹ کیا اور لکھا- 'سب کو عید مبارک ہو۔'اداکار منوج باجپئی نے لکھا- 'عید الاضحی مبارک ہو۔'

اداکارہ نیہا دھوپیا نے ٹویٹ کیا اور لکھا- 'عید مبارک، امن ،شانتی اور خوشیاں۔'جنوبی سپر اسٹار مہیش بابو نے لکھا- 'آپ سب کو عید مبارک ہو۔ آپ کا دن امن، محبت اور مہربانی سے معمور ہو۔'اداکارہ منیشا کوئرالہ نے لکھا، "سب لوگ خوشی کے ساتھ اور محفوظ طریقے سے منائیں، عیدالاضحی مبارک۔"اس سب کے علاوہ رچا چڈا، ارباز خان، سدھارتھ شکلا وغیرہ نے بھی مداحوں کو اس خصوصی دن کی مبارک باد دی ہے۔