سال 2022 ختم ہونے میں صرف چند دن باقی ہیں۔ اور ہر شخص نئے سال کے استقبال کی تیاریوں میں مصروف ہے۔ سب کو آنے والے سال کا بے صبری سے انتظار ہے۔ آنے والا سال فلم انڈسٹری کے لئے کئی لحاظ سے خاص ہونے والا ہے۔

سہانا خان

اس سلسلے میں پہلا نام بالی ووڈ کے بادشاہ خان یعنی شاہ رخ خان کی پیاری بیٹی سہانا خان کا ہے۔ سہانا خان زویا اختر کی دی آرچیز سے بالی ووڈ میں ڈیبیو کرنے کے لئے بالکل تیار ہیں۔

اگستیہ نندا

بالی ووڈ کے میگا اسٹار امیتابھ بچن کی نواسے اگستیہ نندا بھی سال 2023 میں فلم ‘دی آرچیز’ سے بالی ووڈ میں قدم رکھنے جا رہے ہیں۔ یہ فلم نیٹ فلکس پر سال 2023 میں ریلیز ہوگی۔

خوشی کپور

آنجہانی اداکارہ سری دیوی کی چھوٹی بیٹی خوشی کپور بھی سہانا خان اور اگستیہ نندا کے ساتھ فلم دی آرچیز سے بالی ووڈ میں قدم رکھنے کے لئے تیار ہیں۔

شنایا کپور

اداکار سنجے کپور کی بیٹی شنایا کپور بھی سال 2023 میں کرن جوہر کی فلم ‘بیدھڑک’ سے بالی ووڈ میں ڈیبیو کریں گی۔

پشمینہ روشن

راجیش روشن کی بیٹی پشمینہ روشن ‘عشق وشک ریباؤنڈ’ کے ذریعے بالی ووڈ میں ڈیبیو کرنے جا رہی ہیں۔ یہ فلم 2003 میں ریلیز ہونے والی فلم عشق وشق کا سیکوئل ہے۔

جنید خان

عامر خان کے بیٹے جنید خان فلم ‘مہاراجہ’ کے ذریعے ڈیبیو کر رہے ہیں۔ جنید خان اس فلم میں صحافی-اصلاح کارسنداس ملجی کا کردار ادا کر رہے ہیں۔ یہ فلم سال 2023 میں ریلیز ہوگی۔

ان سب کے علاوہ پلک تیواری، تنیشا سنتوشی، علیزے اگنی ہوتری وغیرہ بھی اگلے سال بالی ووڈ میں ڈیبیو کرنے کے لئے تیار ہیں۔ یہ سب اپنی اداکاری سے ناظرین کا کتنا دل جیتتے ہیں، اس کا انتظار رہے گا۔