شاہ رخ خان، دیپیکاپادوکون اور جان ابراہم کی فلم 'پٹھان' کافی عرصے سے خبروں میں ہے۔ حال ہی میں فلم انڈسٹری میں 30 سال مکمل ہونے پر فلم سازوں نے فلم کے مرکزی اداکار شاہ رخ خان کی فلم کا پہلا لک جاری کیا۔ اس کے ساتھ ہی، فلم سازوں نے پیر کو فلم کی خاتون لیڈ یعنی دیپیکا پادوکون کا فرسٹ لک بھی جاری کیا ہے۔ فلم کی یہ پہلی جھلک ایک موشن پوسٹر ہے، جسے دیپیکا نے مداحوں کے ساتھ شیئر کیا ہے۔

فلم کے اس فرسٹ لْک میں دیپیکا ہاتھ میں بندوق لیے ہوئے نظر آ رہی ہیں۔ ان کے جرات مندانہ انداز کو مداحوں کی جانب سے پسند کیا جا رہا ہے۔ پٹھان کو سدھارتھ آنند نے ڈائریکٹ کیا ہے اور آدتیہ چوپڑا نے پروڈیوس کیا ہے۔ یہ فلم ہندی، تمل اور تیلگو زبانوں میں 25 جنوری 2023 کو ریلیز ہوگی۔