دیپیکا پدوکون نے اپنی دوسری ہالی وڈ فلم کا اعلان کیا

<p dir="RTL" style="text-align: justify;">
اداکارہ دیپیکا پدوکون فلم 'ٹرپل ایکس دی ریٹرن آف زینڈر کیج' کے بعد ایک بار پھر ہالی وڈ میں اپنی اداکاری کے جوہر دکھانے کے لیے تیار ہیں۔ دیپیکا پدوکون کی دوسری ہالی وڈ فلم کا اعلان ہوچکا ہے اور خود دیپیکا پدوکون نے بھی سوشل میڈیا کے ذریعے یہ معلومات شائقین کو دی  ہے۔ اگرچہ فلم کے ٹائٹل کا ابھی فیصلہ نہیں کیا گیا ہے، لیکن یہ ایک رومانٹک کامیڈی فلم ہوگی۔ یہ فلم کراس کلچرل تھیم پر مبنی ہوگی۔  اس میں  دو مختلف ثقافتوں کا فیوژن دکھائے گا۔</p>
<p dir="RTL" style="text-align: justify;">
خاص بات یہ ہے کہ اس فلم میں اداکاری کرنے کے ساتھ ساتھ دیپیکا اپنے بینر 'کے اے پروڈکشن' کے تحت اس فلم کو کو پروڈیوس بھی کر رہی ہیں۔ کے اے  پروڈکشن سال 2020 میں قائم کیا گیا تھا جس کا مقصد عالمی اپیل کے ساتھ بامقصد مواد تیار کرنے  اور اس کا پروڈکشن  کرنا تھا۔ دیپیکا اس فلم کے ذریعہ تقریباً چار سال بعد ہالی وڈ میں واپسی کررہی ہیں۔ اس  فلم کا پروڈکشن کے اے پروڈکشن کے ساتھ مل کر’ایروس ایس ٹی ایکس گلوبل کارپوریشن ڈویژن ایس ٹی ایکس فلمس‘کے ذریعہ مشترکہ طور پرکیا جا رہا ہے۔</p>
<p dir="RTL" style="text-align: justify;">
اس فلم کے علاوہ دیپیکا جلد ہی 'دی انٹرن' میں نظر آئیں گی۔ اس فلم میں دیپیکا کے علاوہ امیتابھ بچن بھی مرکزی کردار میں نظر آئیں گے۔ اس کے علاوہ دیپیکا ہدایت کار شکون بترا کی فلم ’فائٹر‘ میں ریتک روشن کے ساتھ اور فلم ’83‘ میں اپنے اداکار شوہر رنویر سنگھ کے ساتھ نظر آئیں گی۔</p>