دیا مرزا نے شادی سے قبل مہندی کی تصاویر شیئر کیں

اداکارہ دیا مرزا کل یعنی 15 تاریخ کو بزنس مین ویبھوریکھی کے ساتھ شادی کے بندھن میں بندھ گئیں ۔ شادی کی رسومات کا آغاز ہوچکا ہے اور پیر کو دیا نے دلہن بننے سے قبل اپنی دو تصاویر انسٹاگرام  پر شیئر کیں۔ اس میں سے ایک تصویر ہاتھ کے مہندی کے ساتھ ہے اور اس کے  ٹائٹل پر لکھا گیا ہے’’پیار‘‘!

دوسری تصویر میں اداکارہ دیا مرزا وائٹ کلر کے لباس میں ہیں اور وہ بہت خوش دکھائی دے رہی ہیں۔

دیا مرزا فلمی دنیا کی ایک مشہور اداکارہ ہیں۔ رہنا ہے تیرے دل میں، تم کو نہ بھول پائیں گے ، تم سا نہیں دیکھا، پرینیتا، دس لگے رہو منا بھائی، کیش    وغیرہ فلموں میں اپنے شاندار اداکاری کا لوہا منوا چکی  دیا مرزا آج یعنی 15فروری کو ممبئی کے بزنیس مین اور سرمایہ کار ویبھو ریکھی سے شادی کرنے جا رہی ہیں۔

دیا اور ویبھو دونوں کی ہی یہ دوسری شادی ہوگی۔ویبھو کی شادی پہلے سنینا ریکھی سے ہوئی تھی جس سے انہیں ایک بیٹی بھی ہے۔ وہیں دیا مرزا کی پہلی شادی سال 2014میں ساحل سانگھا سے ہوئی تھی لیکن سال 2019میں دونوں الگ ہو گئے۔   اطلاعات کے مطابق دیا اور ویبھوکی شادی میں صرف کنبہ اور کچھ قریبی رشتے دار موجود ہوں گے۔