فرحان اختر کی فلم ' طوفان ' کاٹریلر 30 جون کو ریلیز ہوگا

فرحان اختر کی آنے والی فلم 'طوفان' زیربحث ہے۔ یہ ایک اسپورٹس ڈرامہ فلم ہے۔ اس فلم میں فرحان کے ساتھ پریش راول اور مرنال ٹھاکر مرکزی کردار میں ہیں۔ فلم کا نیا پوسٹر پیر کو جاری کیا گیا۔ فلم کے اس نئے پوسٹر کے ساتھ ہی فلم کے ٹریلرکی ریلیز کی تاریخ کا بھی اعلان کردیا گیا ہے۔ اداکار فرحان اختر نے فلم کے نئے پوسٹر کو ٹویٹر پر شیئر کیا اور اس کے ٹریلر کی ریلیز کی تاریخ کا انکشاف کیا۔

پوسٹر میں فرحان اختر اورمرنال ٹھاکر رنگ کے اندر رومانوی انداز میں نظر آرہے ہیں۔ فلم میں فرحان اختر باکسر کے کردار میں نظر آئیں گے۔ اس کے لیے فرحان نے بھی بہت محنت کی ہے۔ پریش راول فرحان اختر کے کوچ کے کردار میں ہوں گے۔ فلم کا ٹریلر 30 جون کو ریلیز کیا جائے گا۔

فلم کے ہدایتکار راکیش اوم پرکاش مہرہ ہیں۔ فلم 'بھاگ ملکھا بھاگ' کے بعد ہدایتکار راکیش اوم پرکاش مہرہ کے ساتھ فرحان کی دوسری فلم ہے۔ رتیش سیدوانی ، راکیش اوم پرکاش مہرہ اور فرحان اختر مشترکہ طور پر اس فلم کی تیاری کر رہے ہیں۔ اس سے قبل یہ فلم 21 مئی کو ریلیز ہونے والی تھی ، لیکن ملک میں بڑھتی ہوئی کورونا وبا کی وجہ سے فلم کی ریلیز کی تاریخ ملتوی کردی گئی۔ اب یہ فلم 16 جولائی کو ایمیزون پرائم ویڈیو میں پیش کی جائے گی۔