مہاراشٹر حکومت نے منگل کو فلم اداکار سلمان خان کووائی پلس سطح کی پولیس سیکورٹی فراہم کرنے کا فیصلہ کیاہے۔ سلمان خان کو یہ سیکورٹی لارنس بشنوئی گینگ کی جانب سے جان سے مارنے کی دھمکیوں کے بعد فراہم کی گئی ہے۔ اس کے ساتھ ہی محکمہ داخلہ نے فلم اداکار اکشے کمار اور انوپم کھیر کی سیکورٹی بڑھانے کا بھی فیصلہ کیا ہے۔
فلم اداکار سلمان خان کے والد سلیم خان کو اگست میں مارننگ واک کے دوران دھمکی آمیز خط موصول ہوا تھا۔ اس کے بعد سلیم خان کی شکایت پر باندرہ پولیس اسٹیشن میں مقدمہ درج کیا گیاتھا۔ تحقیقات سے پتہ چلا کہ یہ دھمکی لارنسبشنوئی گینگ نے دی تھی۔ اسی وجہ سے سلمان خان کو اس وقت بندوق رکھنے کا لائسنس بھی جاری کیا گیا تھا۔ اس وقت باندرہ میں سلمان خان کی رہائش گاہ پر سیکورٹی بڑھا دی گئی تھی۔ اس کے بعد محکمہ داخلہ نے پولیس سیکورٹی کو ٹھیک کرنے کے لیے ایک کمیٹی تشکیل دی تھی جس کی رپورٹ کے بعد آج محکمہ داخلہ نے سلمان خان کووائی پلس لیول کی سیکورٹی فراہم کرنے کا فیصلہ کیا ہے۔
