اپنے بیٹے کی اداکاری سے متاثر ہو کر امیتابھ بچن نے ابھیشیک کو اپنا جانشین قراردیا

<p dir="RTL" style="text-align: justify;">
بالی ووڈ کے جونیئر بچن ان دنوں اپنی آنے والی فلم دسویں کو لے کر کافی بحث میں ہیں۔ حال ہی میں ان کی فلم کا ٹریلر ریلیز ہوا ہے، جس میں ابھیشیک ایک کم پڑھے لکھے قیدی لیڈر کے کردار میں نظر آ رہے ہیں اور جیل میں رہتے ہوئے وہ دسویں کے امتحان کی تیاری کر رہے ہیں۔ اس ٹریلر کو دیکھنے کے بعد ہر کوئی ابھیشیک کی اداکاری کی تعریف کر رہا ہے۔</p>
<p dir="RTL" style="text-align: justify;">
وہیں ابھیشیک بچن کے والد اور بالی ووڈ کے میگا اسٹار امیتابھ بچن بھی ان کی اداکاری سے متاثر ہوئے بغیر نہ رہ سکے۔ امیتابھ بچن بیٹے ابھیشیک بچن کی اداکاری سے اتنے متاثر ہوئے کہ انہوں نے ابھیشیک بچن کو اپنا جانشین بھی قرار دے دیا۔ امیتابھ بچن نے ٹوئٹر پر اپنے والد ہری ونش رائے بچن کی چند سطریں لکھی ہیں۔اپنے آفیشل ٹوئٹر ہینڈل سے فلم ’دسویں‘ کے ٹریلر کا لنک شیئر کرتے ہوئے انھوں نے لکھا کہ ’میرا بیٹا، بیٹا ہونے سے میرا وارث نہیں بنے گا؛ جو میرا وارث ہو گا وہ میرا بیٹا ہو گا۔ ہری ونش رائے بچن…… اس کے آگے بگ بی لکھتے ہیں، 'ابھیشیک تم میرے جانشین ہو – بس یہ کہا، !امیتابھ بچن کا یہ انداز مداحوں کو بہت پسند ہے اور ان کی پوسٹ پر   ردعمل کا اظہار کر رہے ہیں۔</p>