Urdu News

انوراگ کشیپ ، تاپسی پنو اور دیگراہم شخصیات کے ٹھکانوں پردوسرے دن بھی انکم ٹیکس کی چھاپہ ماری

انوراگ کشیپ ، تاپسی پنو کے ٹھکانوں پردوسرے دن بھی انکم ٹیکس کی چھاپہ ماری


انوراگ کشیپ ، تاپسی پنو اور دیگراہم شخصیات کے ٹھکانوں پردوسرے دن بھی انکم ٹیکس کی چھاپہ ماری

ممبئی ، 04 مارچ (انڈیا نیرٹیو)

2018 میں بند ہوئے 'فینٹم فلمس پروڈکشن ہاوس' کے مالکان میں شامل فلم ساز اور ہدایت کار انوراگ کشیپ کے علاوہ وکاس بہل،مدھو منٹینا اور اداکارہ تاپسی پنو وغیرہ کے ٹھکانوں پر انکم ٹیکس محکمہ کی چھاپہ ماری مسلسل دوسرے دن جمعرات کے روز بھی جاری ہے۔ انکم ٹیکس ٹیم نے انوراگ کشیپ اور تاپسی پنو کے مکانات اور دفاتر سے 3 لیپ ٹاپ اور 4 کمپیوٹر برآمد کئے ہیں۔

ذرائع کے مطابق ، فینٹم فلمس سے وابستہ افرادکے یہاںتیسرے روز جمعہ کے دن بھی چھاپہ مار کارروائی جاری رکھ سکتے ہیں۔ حالانکہ ابھی تک انکم ٹیکس ٹیم نے چھاپہ ماری کے بارے میں میڈیا کو کوئی سرکاری معلومات نہیں دی ہے۔

ذرائع کے مطابق انکم ٹیکس ٹیم نے 20 دن قبل فینٹم فلمس کے مالکان کونوٹس جا ری کرفینٹم فلمس کی مالی آمدنی اور اس پر ادا کیے جانے والے ٹیکس کی تفصیلات پیش کرنے کے لیے کہا تھا۔

 اس کے بعد فینٹم فلمس کے ذریعہ تفصیلات بھیج بھی دی گئیں لیکن محکمہ انکم ٹیکس اس سے مطمئن نہیں تھا۔ اسی وجہ سے محکمہ انکم ٹیکس نے بدھ کے روز انوراگ کشیپ ، وکاس بہل ، مدھو منٹینا ، تاپسی پنو اور دیگرکے ممبئی اور پونے واقع 22 مقامات پر چھاپہ ماری کی۔

بدھ کے روز انکم ٹیکس ٹیم نے انوراگ کشیپ اور تاپسی پنو سے 6 گھنٹے تک پوچھ گچھ کی تھی۔ جمعرات کے روز انکم ٹیکس ٹیم اندھیری کے علاقے میں واقع ایک دفتر میں چھاپہ ماری کی کارروائی کررہی ہے۔

Recommended