ہر سال یوم آزادی کے موقع پر پورے ملک میں ایک الگ ہی جوش و خروش دیکھا جاتا ہے۔ اس خاص دن پر ہر جگہ بہت سے پروگرام ہوتے ہیں۔ حب الوطنی کے گیت گونجتے ہیں۔ اس خاص موقع پر، ہم اپنے قارئین کو کچھ ایسے ہی حب الوطنی کے گیتوں کے بارے میں بتا رہے ہیں جو ہر ہندوستانی کو جوش سے بھر دیتے ہیں۔

میرے دیش کی دھرتی…:  سال 1967 میں منوج کمار کی فلم ’اپکار‘ کا گانا ' میرے دیش کی دھرتی سونا اگلے، اگلے ہیرے موتی، میرے دیش کی دھرتی… سن کر لوگ جوش سے بھر جاتے ہیں۔ گلشن باورہ کے بول سے مزین اس گانے کو مہندر کپور نے اپنی خوبصورت آواز میں گا کر امر کر دیا۔ آج بھی اس گانے کو سامعین میں بے حد پسند کیا جاتا ہے۔

اب تمہارے حوالے وطن ساتھیو۔  سال1964 میں فلم حقیقت کا یہ گانا آج بھی ہر کسی کی آنکھوں کو نم کرتا ہے۔ کیفی اعظمی کے کمپوز کردہ اس گانے کو محمد رفیع نے اپنی خوبصورت آواز میں گایا تھا۔ آج بھی یہ گانا یوم آزادی کے موقع پر کثرت سے سنا جا سکتا ہے۔

ہے پریت جہاں کی ریت سدا…: سال 1970 میں آئی فلم’پورب اور پچھم‘ میں منوج کمار کو پیش کرتے ہوئے، یہ گیت ہندوستان کی خوبیوں کو بخوبی دکھاتا ہے۔ اس گانے کے بول اندریور نے لکھے ہیں، جسے مہندر کپور نے گایا ہے۔

یہ دیش ہے ویر جوانوں کا…  فلم نیا دور کا یہ گانا ہر نوجوان کو جوش و خروش سے بھر دیتا ہے۔ ساحر لدھیانوی کے کمپوز کردہ اس گانے کو محمد رفیع نے گایا تھا۔

ہر کرم اپناکریں گے… فلم کرماکا یہ گانا ملک سے محبت کرنے والوں میں بہت پسند کیا جاتا ہے۔ آنند بخشی کے کمپوز کردہ اس گانے کو محمد عزیز اور کویتا کرشنامورتی نے گایا ہے۔

سندیشے آتے ہیں… فلم بارڈر کا یہ گیت روپ کمار راٹھور اور سونو نگم نے گیا تھا۔ہرکسی کو جذباتی کر دینے والا یہ گانا آج بھی گونجتا ہے۔

ملک رنگیلا رنگیلا…: فلم فنا کا یہ گانا ہر کسی کو جوش اورجذبہ سے بھر دیتا ہے۔ اس گانے کی موسیقی جتن للت کی جوڑی نے دی تھی، جب کہ اس کے بول پرسون جوشی نے لکھے تھے۔ یہ گانا مہالکشمی ایر نے گایا ہے۔

اے وطن۔۔۔وطن میرے آباد رہے تو… فلم راضی کا گیت’اے وطن۔۔۔وطن میرے آباد رہے تو۔۔۔ کے فی میل ورژن کو سنیدھی چوہان نے اپنی خوبصورت آواز میں گایا۔ حب الوطنی کے جذبے سے لبریز اس گانے کو سامعین بے حد پسند کر رہے ہیں۔

اس کے علاوہ میرا رنگ دے بسنتی چولا…، یہ جو دیش ہے میرا…، جہاں ڈال ڈال پہ … وغیرہ وطن پرستی کے گیت آج بھی سامعین میں جوش اور ولولہ بھرتے ہیں۔